श्री मंगळग्रह मंदिर परिसरात संतश्री सखाराम महाराज रोपवाटिका झाली नव्याने विकसित विकसित केलेल्या विविध विभागांसह निसर्ग बैठक स्थळाची संतश्री प. पू. प्रसाद महाराजांकडून पाहणी

अमळनेर : येथील मंगळग्रह सेवा संस्था संचलित ख्यातकीर्त श्री मंगळग्रह मंदिर परिसरात नव्याने विकसित करण्यात आलेल्या संत श्री सखाराम महाराज रोपवाटिकेस शुक्रवार, दि. 26 जून रोजी सायंकाळी संतश्री सखाराम महाराज वाडी संस्थानाचे गादिपती प. पू. प्रसाद महाराज यांनी सदिच्छा भेट दिली. यावेळी त्यांनी रोपवाटिकेची पाहणी केली. तसेच रोपवाटिकेत तयार करण्यात आलेले स्वतंत्र विविध विभाग, परिसरातील सुशोभीकरण, पर्यावरण संवर्धनासाठी करण्यात आलेले प्रयत्न आणि भाविकांसाठी निर्माण करण्यात आलेल्या सोयी-सुविधांबद्दल कौतुक करत मंगळग्रह सेवा संस्थेच्या या उपक्रमास भरभरून शुभेच्छा देत कृपाशीर्वादही दिला.

 मंगळग्रह सेवा संस्थेचे अध्यक्ष डॉ. डिगंबर महाले यांच्या मार्गदर्शनाखाली तसेच संस्थेचे ग्रीनरी कन्स्लंटट श्री. सुबोध पाटील यांच्या सहकार्याने गेल्या 20 वर्षांपासून या रोपवाटिकेचे संगोपन केले जात होतेच. मात्र, रोपवाटिकेत विविध विभाग तयार करून ती अधिकाधिक भव्य-दिव्य स्वरूपात विकसित करावी, या उद्देशातून नुकतेच या रोपवाटिकेचे व्यापक नूतनीकरण करण्यात आले आहे. रोपवाटिकेमध्ये विविध प्रकारच्या औषधी वनस्पती, फुलझाडे, शोभिवंत वृक्ष, फळझाडे तसेच पर्यावरण संवर्धनाला चालना देणारे विविध विभाग विकसित करण्यात आले असून, भाविकांना निसर्गाच्या सान्निध्यात अध्यात्माचा अनुभव घेता यावा, या उद्देशाने परिसराचे आकर्षक नियोजन करण्यात आले आहे.

 संतश्री प. पू. प्रसाद महाराज यांनी रोपवाटिकेतील विविध विभागांची पाहणी करून त्यामागील संकल्पना जाणून घेतली. मंदिर परिसरातील हरित उपक्रम, स्वच्छता आणि पर्यावरणपूरक विकासाबाबत त्यांनी समाधान व्यक्त केले. भविष्यातही अशा उपक्रमांमुळे समाजामध्ये पर्यावरण संरक्षणाचा संदेश अधिक प्रभावीपणे पोहोचेल, असा विश्वास त्यांनी व्यक्त केला.

 तत्पूर्वी, संतश्री प. पू. प्रसाद महाराज यांनी श्री मंगळग्रह मंदिरात जाऊन श्री मंगळग्रह देवांचे दर्शन घेतले. त्यानंतर त्यांचे मंगळग्रह सेवा संस्थेचे सचिव सुरेश बाविस्कर, सहसचिव दिलीप बहिरम, खजिनदार गिरीश कुलकर्णी यांच्या हस्ते पाद्यपूजन करण्यात येऊन यथोचित स्वागत करण्यात आले. मंदिराचे पुरोहित शुभम वैष्णव, हेमंत गोसावी, पवन शर्मा यांनी पौरोहित्य केले. यावेळी संत श्री सखाराम महाराज वाडी संस्थानातील सुदाम पाटील महाराज, हर्षल जोशी महाराज, सारंग पाठक, मंगल सेवेकरी आर. टी. पाटील, ए. डी. भदाणे यांच्यासह मंदिराचे सेवेकरी आणि भाविक मोठ्या संख्येने उपस्थित होते.

रोपवाटिकेतील विविध विभाग

संत श्री सखाराम महाराज रोपवाटिकेच्या नूतनीकरणात विविध विभाग नव्याने तयार केले आहेत. त्यामध्ये गांडूळ खत प्रकल्प, गोवरी, प्लास्टिक क्रशिंग, गुलाब बाग, वृक्षारोपण, जैविक खतप्रणाली आदी विभागांसह रोपवाटिकेशेजारीच भाविकांना निसर्ग सान्निध्याचा मनमुराद आनंद घेता यावा, या उद्देशातून निसर्ग बैठक स्थळही तयार करण्यात आले असून, हे स्थळ विविध वृक्षराजीने सज्ज झालेले आहे.

Read More श्री मंगळग्रह मंदिर परिसरात संतश्री सखाराम महाराज रोपवाटिका झाली नव्याने विकसित विकसित केलेल्या विविध विभागांसह निसर्ग बैठक स्थळाची संतश्री प. पू. प्रसाद महाराजांकडून पाहणी

अमळनेरकरांसाठी आनंदाची बातमी: भाविक आणि प्रवाशांच्या सुविधेसाठी ‘मंगळग्रह मंदिर स्टॉप’ एसटी विनंती थांब्याचे अनावरण!

अमळनेर (प्रतिनिधी) : ग्रामीण व शहरी भागातील प्रवाशांची, विशेषतः सुप्रसिद्ध मंगळग्रह मंदिराकडे जाणाऱ्या भाविकांची आणि स्थानिक नागरिकांची होणारी गैरसोय दूर करण्यासाठी एक महत्त्वाचे पाऊल उचलण्यात आले आहे. एसटी महामंडळाची बस या ठिकाणी थांबून प्रवाशांना योग्य सुखसुविधा मिळावी या उद्देशाने आज या भागात ‘मंगळग्रह मंदिर स्टॉप’ (एसटी विनंती थांबा) चे अधिकृत बोर्ड लावून लोकार्पण करण्यात आले.

हे जनहिताचे काम युवासेना शिवसेना अमळनेर शहर तीर्थक्षेत्र प्रमुख मा. श्री. मनिष हरिश्चंद्र चौधरी यांच्या प्रमुख पुढाकाराने आणि मार्गदर्शनाखाली सर्व सहकाऱ्यांच्या मदतीने यशस्वीरित्या पूर्ण करण्यात आले आहे. नागरिकांना आणि भाविकांना येण्या-जाण्यासाठी हक्काचा थांबा मिळावा यासाठी मनिषभाऊंनी विशेष लक्ष देऊन हा प्रश्न मार्गी लावला.

प्रमुख मान्यवरांची उपस्थिती

याप्रसंगी गावातील आणि परिसरातील प्रमुख नागरिक तसेच विविध क्षेत्रातील मान्यवर मोठ्या संख्येने उपस्थित होते. या कामात मोलाचे सहकार्य आणि उपस्थिती लाभलेले मान्यवर खालीलप्रमाणे:

१) श्री. मनिष हरिश्चंद्र चौधरी (युवासेना शिवसेना अमळनेर शहर तीर्थक्षेत्र प्रमुख)

२) श्री. मोहन मनोरे (आम आदमी पार्टी)

३) श्री. महेंद्र साळुंखे (भाग्यलक्ष्मी लॅब, आम आदमी पार्टी)

४) श्री. रामकृष्ण चिंतामण पाटील – देवरे साहेब (आम आदमी पार्टी)

५) श्री. राजेंद्र बाळकृष्ण जाधव

६) श्री. नागोराज राजाराम धनगर

७) श्री. अमोल नागोराज धनगर

८) श्री. हितेश चौधरी

९) श्री. इंजि. निखिल चौधरी

प्रवाशांना मिळणार मोठा दिलासा

या नवीन ‘मंगळग्रह मंदिर स्टॉप’ मुळे आता परिसरातील प्रवाशांना, महिलांना, वृद्ध नागरिकांना आणि दूरवरून येणाऱ्या भाविकांना बससाठी ताटकळत उभे राहावे लागणार नाही. प्रवाशांच्या सुखसुविधेसाठी सदैव तत्पर असणाऱ्या सर्व सहकाऱ्यांचे आणि मनिषभाऊ चौधरी यांचे समस्त अमळनेरकर नागरिकांकडून मनःपूर्वक आभार व्यक्त केले जात आहेत.

“लोकांचे हित, हेच आमचे कर्तव्य!” या भावनेतून हे कार्य पूर्ण झाल्याचे याप्रसंगी कार्यकर्त्यांनी सांगितले.

अमळनेर ते धरणगाव रस्त्याच्या कामासाठी 172 कोटी मंजूर   आ. अनिल पाटील यांचे प्रयत्न, नागरिकांना मोठा दिलासा 

अमळनेर :- तालुक्यातील अत्यंत महत्त्वाच्या मानल्या जाणाऱ्या गडखांब – पातोंडा – धरणगाव या मार्गांच्या काँक्रिटीकरण आला अखेर राज्य शासनाने मंजुरी दिली आहे. या प्रकल्पासाठी 172 कोटी रुपयांचा निधी मंजूर झाला असल्याची माहिती माजी मंत्री तथा आमदार अनिल पाटील यांनी दिली आहे. अनेक दिवसांपासून या रस्त्याच्या काँक्रीटीकरणाची मागणी केली जात होती.

        हा मार्ग केवळ स्थानिक वाहतुकीसाठी च नाही तर उत्तर महाराष्ट्रातील विविध शहरांना जोडणारा महत्त्वाचा दुवा मानला जातो. या प्रकल्पामुळे अमळनेर, धरणगाव, चोपडा, यावल तसेच धुळे जिल्ह्यातील लाखो नागरिकांना याचा फायदा होणार आहे. या मार्गावरून दररोज हजारो लहान-मोठी वाहने, शेतमालाची वाहने तसेच प्रवासी वाहतूक होत असते. हा रस्ता खराब असल्याने वाहनधारकांना प्रचंड मनस्ताप सहन करावा लागत होता. विशेष म्हणजे धरणगाव ते चोपडा या मार्गाचे काम आधीच प्रगतीपथावर असून आता धरणगाव फाटा ते अमळनेर या महत्त्वाच्या टप्प्यालाही मंजुरी मिळाल्याने धुळे – अमळनेर- चोपडा तसेच धरणगाव कडे जाणारा मार्ग अधिक सक्षम होण्याचा मार्ग मोकळा झाला आहे.

  शेतकरी व उद्योजकांना होणार फायदा 

    अमळनेर आणि परिसरातील केळी, कापूस, मका, भाजीपाला उत्पादक शेतकऱ्यांसाठी हा रस्ता महत्त्वपूर्ण होणार आहे. शेतमाल बाजारपेठेत जलद गतीने पोहोचणार असल्याने शेतकऱ्यांना वेळ व वाहतूक खर्च वाचणार आहे. तसेच दर्जेदार रस्त्यांमुळे या भागात औद्योगिक मालवाहतूक आणि व्यावसायिक व्यवहारांना गती मिळून गुंतवणुकीसाठी पोषक वातावरण तयार होईल असा विश्वास तज्ञांनी व्यक्त केला आहे. सदर प्रकल्पाकडे उत्तर महाराष्ट्रातील रस्त्यांचे जाळे अधिक मजबूत करण्याच्या दृष्टीने महत्त्वपूर्ण पाऊल म्हणून पाहिले जात आहे.

Read More अमळनेर ते धरणगाव रस्त्याच्या कामासाठी 172 कोटी मंजूर   आ. अनिल पाटील यांचे प्रयत्न, नागरिकांना मोठा दिलासा 

अमळनेर ग्रामिण रुग्णालयात 20 अतिरिक्त पदाना मंजुरी-आ.अनिल पाटील उपजिल्हारुग्णालयाचा दर्जा मिळाल्याने वाढणार 4 डॉक्टर व स्टाफ,आरोग्य सेवा होणार वृद्धिंगत

अमळनेर:-येथील ग्रामिण रुग्णालयाचे उपजिल्हारुग्णालय म्हणून श्रेणीवर्धन झाले असल्याने 20 अतिरिक्त पदाना महाराष्ट्र शासनाच्या आरोग्य विभागाने मंजुरी दिली असून यामुळे 4 तज्ञ डॉक्टर व इतर स्टाफ वाढून येथील आरोग्य सेवा अधिक वृद्धिंगत होणार असल्याची माहिती माजी मंत्री तथा आमदार अनिल भाईदास पाटील यांनी दिली.

      याबाबत महाराष्ट्र शासनाचा शासन आदेश दिनांक 24 जून 2026 रोजी प्रसिद्ध झाला असून यात राज्यातील काही रुग्णालयांचा समावेश आहे.राज्यातील 50 टक्के पेक्षा जास्त बांधकाम झालेल्या नवनिर्मित अथवा श्रेणी वर्धीत आरोग्य संस्था करिता पदनिर्मिती करण्यात आली असून अमळनेर ग्रामीण रुग्णालयाचे उप जिल्हारुग्णालय म्हणून श्रेणीवर्धन झाल्यानंतर याचे बांधकाम देखील 90 टक्के पूर्ण झाले असल्याने या पद वाढीस मंजुरी मिळाली आहे.विशेष म्हणजे आमदार अनिल पाटील यांच्या सततच्या पाठपुराव्यामुळे तब्बल 24 वर्षांनंतर ही पद वाढ झाली आहे.

चार अतिरिक्त डॉक्टरांमुळे रुग्णांना मिळणार लाभ

   अमळनेर ग्रामीण रुग्णालयात आधी एकूण 29 पदे होती त्यात एक वर्ग 1 चे वैद्यकीय अधीक्षक 1,वर्ग 2 चे 3 वैद्यकीय अधिकारी आणि इतर स्टाफ चा समावेश होता.आता 20 पदे वाढली असून त्यात 4 डॉक्टर असतील यात 1 सर्जन, 1 फिजिशियन आणि 2 एमबीबीएस डॉक्टर्सचा समावेश असेल याशिवाय इतर नर्सिंग व अन्य कर्मचारी असतील.सदर रुग्णालयात एनएचएम अंतर्गत कंत्राटी 20 आहेत आधीची आहेत.म्हणजेच आरोग्य सेवेची मोठी टीम अमळनेर रुग्णालयात कार्यरत असणार आहेत.

      दरम्यान अमळनेर ग्रामीण रुग्णालयाचे उप जिल्हारुग्णालयात रूपांतर करण्यासाठी आमदार अनिल पाटील यांनी पाठपुरावा केल्याने त्यास यश आले त्यानंतर प्रत्यक्ष बांधकाम देखील सुरू होऊन तेही पूर्णत्वास येण्याच्या मार्गावर आहे.व आता आमदारांच्याच प्रयत्नांनी पदे देखील वाढल्याने अमळनेर परिसरातील रुग्णांना मोठा लाभ होणार आहे.याकामी पाठपुरावा करण्यासाठी ग्रामीण रुग्णालयाचे वैद्यकीय अधीक्षक डॉ प्रकाश ताळे व इतर स्टाफ चे सहकार्य लाभल्याचे आमदार अनिल पाटील यांनी सांगितले. सदर मंजुरी बद्दल आमदार अनिल पाटील यांनी मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री श्रीमती सुनेत्रा पवार,आरोग्य मंत्री प्रकाश आबीटकर,ग्रामविकास मंत्री गिरीश महाजन,पालकमंत्री गुलाबराव पाटील यांचे आभार व्यक्त केले आहेत.

आरोप प्रत्यारोप पुरे झाले, आता कृती हवी! अमळनेरच्या पाण्याच्या टाक्यांची तातडीने स्वच्छता करा: आम आदमी पार्टीची मागणी

अमळनेर ( प्रतिनिधी) अमळनेर शहरातील पाण्याचा प्रश्न गंभीर असून त्याबाबत सत्ताधारी आणि विरोधकांनी केवळ एकमेकांवर आरोप – प्रत्यारोप करण्यापेक्षा तात्काळ सोडवून शहरातील सर्व पाणीपुरवठा करणाऱ्या टाक्यांची त्वरित स्वच्छता करून नागरिकांना शुद्ध पाणी उपलब्ध करून द्यावे अशी मागणी आम आदमी पार्टीचे तालुकाध्यक्ष महेंद्र साळुंखे यांनी केली आहे.

शहरातील पाण्याच्या टाक्यांच्या तळाशी साचलेला एक फुटाचा गाळ हा प्रशासनाच्या निष्काळजीपणाचा जिवंत पुरावा आहे. “आरोप-प्रत्यारोपांच्या राजकारणापेक्षा पिण्याच्या पाण्याची शुद्धता अधिक महत्त्वाची आहे,” असे स्पष्ट करत, आपच्या कार्यकर्त्यांनी आता स्वच्छतेवर लक्ष केंद्रित करण्याची सूचना प्रशासनाला केली आहे. टाक्या पूर्ण भरल्यावर त्यात मिसळणारा गाळ, क्षार आणि जंतू यामुळे नागरिकांचे आरोग्य धोक्यात आले आहे. या गंभीर वास्तवाकडे दुर्लक्ष करून चालणार नाही.

प्रशासनासमोर ठोस उपाययोजनांची मागणी:

१. तात्काळ स्वच्छता: सर्व पाणी साठवणूक टाक्यांचे तांत्रिक ऑडिट करून त्यांची तात्काळ स्वच्छता करण्यात यावी.

२. नियमित वेळापत्रक: वर्षातून एकदाच नव्हे, तर दर तीन महिन्यांनी नियमितपणे टाक्या स्वच्छ करण्याचे वेळापत्रक जाहीर करावे.

३. पारदर्शकता: ही स्वच्छता शास्त्रोक्त पद्धतीने होत असल्याची खात्री स्थानिक नागरिकांच्या समितीमार्फत करून घ्यावी.

आमचा निर्धार:

आम्हाला कोणावरही आरोप करण्यात रस नाही, तर जनतेला स्वच्छ पाणी मिळण्यात रस आहे. जर प्रशासनाने युद्धपातळीवर स्वच्छतेचे काम पूर्ण केले, तर ते अमळनेरकरांच्या आरोग्यासाठी हिताचे ठरेल. मात्र, यापुढेही केवळ कागदी घोडे नाचवून दुर्लक्ष केले, तर या प्रश्नासाठी कोणत्याही टोकाची भूमिका घ्यायला आम आदमी पार्टी मागे हटणार नाही.

खा शि मं. श्रीमती द्रौ ,रा. कन्या शाळेत आंतरराष्ट्रीय आॕलिम्पिंक दिवस साजरा …

अमळनेर : नामवंत खा.शि मं संचलित श्रीमती द्रौपदीबाई रामचंद्रशेठ कन्या शाळेत आज २३ जुन हा दिवस आंतरराष्ट्रीय आॕलिम्पिंक दिवस म्हणुन साजरा करण्यात आला.

   या वेळी कार्यक्रम अध्यक्ष स्थानी विदयालयाच्या मुख्याध्यापिका सौ एस एस सुर्यवंशी मॕडम होत्या.तर या वेळी माधुरी राणे प्राथ.शाळेच्या मुख्याध्यापिका श्रीमती भारती आठवले मॕडम , पर्यवेक्षक श्री एस पी वाघ सर , शिक्षक प्रतिनिधी सौ पी पी जोशी ,जेष्ठ शिक्षक श्री एस एस माळी , जेष्ठ क्रीडा शिक्षिका श्रीमती आर एस सोनवणे , जेष्ठ शिक्षक श्री के आर बाविस्कर , श्रीमती एस एस देवरे यांनी आॕलिम्पिंक सुवर्ण पदक प्राप्त करुन देशाचा मान वाढवणारे मेजर ध्यांनचंद यांच्या प्रतिमेचे व क्रीडा साहित्यांचे पुजन करुन मशाल पेटवुन आजचा दिवस साजरा करण्यात आला.

    या निमित्ताने शाळेत जंम्प रोप व धावण्यांच्या स्पर्धा घेण्यात आल्या.शाळेच्या मुख्याध्यापिका सौ एस एस सुर्यवंशी मॕडमांनी आॕलिम्पिंक दिवसा विषयी बोलतांना सांगितले की ,पहिला आलिम्पिंक दिवस २३ जुन 1948ला साजरा करण्यात आला होता. जगातील अतिशय महत्वांची स्पर्धा आॕलिम्पिंक स्पर्धा आहे. ह्या दर चार वर्षांनी होतात. जगात खेळाचे महत्व वाढावे व सर्व जगाने गुणा गोविंदाने वागावे आॕलिम्पिंक दिन प्रामुख्याने हलका , शिका आणि शोधा तीन स्तंभावर आधारीत आहे.निरोगी जीवन शैलीला प्रोत्साहन देणारी व दैनंदिन व्यायामाला महत्त्व देणारी आॕलिम्पिंक स्पर्धा आहे.भारता मध्ये आंतरराष्ट्रीय दर्जेचे खेळाडू तयार व्हावेत.त्यांनीआपल्या देशाचे प्रतिनिधीत्व वेग वेगळ्या खेळात करावे या अनुषंगाने शालेय स्तरावर विद्यार्थीची खेळा प्रती आवड व रुची वाढावी व येणाऱ्या काळात- अधीका अधीक पदके भारताने जिंकावीत हा एक उदात्त भावना यामागे दडलेली आहे.खेळामध्ये अधीका अधीक विद्यार्थीनींनी सहभाग नोंदवित त्यांनी येणाऱ्या काळात खेळाला सुगीचे दिवस प्राप्त झालेले असेल अशी सामुहीक शपथ घेतली.या कार्यक्रमाचे प्रास्तवीक संयोजन नियोजन संकल्पना पर्यवेक्षक ,श्री एस पी वाघ सरांनी केले.

या स्पर्धेतुन अनेक खेळ खेळुन खेळ भावना , स्नेह आप आपली संस्कृती जोपासली जाते असे विद्यार्थीनींना आपल्या भाषनातुन सांगितले.

    सदर कार्यक्रमासाठी अनमोल सहकार्य शालेय समिती चेअरमन श्री जितेंद्र भाऊ जैन , व सर्व शिक्षक , शिक्षिका ,शिक्षकेतर कर्मचारी यांचे लाभले.

शहापूर येथे वीज पडून युवा शेतकऱ्याचा मृत्यू

कळमसरे ता.अमळनेर :–प्रतिनिधी- शहापूर ता. अमळनेर येथील राकेश रतिलाल पाटील (वय -32) या तरुणाचा आज ता. 23 रोजी दुपारी बारा वाजेच्या सुमारास शेतात वीज पडून मृत्यू झाल्याची घटना घडली आहे.

शेतात आईसह मजूर कामाला असल्याने राकेशही शेती कामाला आलेला होता. ता. 23 रोजी दुपारी बारा वाजेच्या सुमारास विजेच्या कडाक्यासह पावसाला सुरुवात झाल्याने राकेश आपली मोटार सायकल (दुचाकी )रस्त्यावर लावण्यासाठी घाईने निघाला असताना त्याच्या अंगावर अचानक वीज पडल्याने त्याचा जागीच मृत्यू झाला.बाजूलाच निंबाच्या झाडाखाली मजूरासह राकेश आई व मजुर थांबलेले होते. आईच्या डोळ्यासमोरच ही घटना घडल्याने राकेशच्या आईचा आक्रोश खूपच वेदनादायी होता.

राकेशच्या अंगावर पडलेल्या विजेचा फटका इतका जबरदस्त होता की त्याच्या अंगावरील कपडे तसेच बागायती रुमाल देखील जळल्याच निदर्शनास आले आहे.

दरम्यान राकेशला तात्काळ अमळनेर येथील ग्रामीण रुग्णालय येथे आणले असता डॉक्टरांनी मृत घोषित केले.शहापूर येथे सायंकाळी उशिरा सात वाजेच्या सुमारास त्यांच्यावर अंत्यसंस्कार करण्यात येणार आहेत.राकेशचा विवाह चार वर्षांपूर्वी झाला असून त्याच्या पच्यात आई -वडील, पत्नी दोन विवाहीत बहिणी असा परिवार आहे.

नवीन माध्यमिक विद्यालय अंतुर्ली-रंजानेला तिलोत्तमाताई यांच्याकडून स्कूल बसची भेट; तसेच सरपंच सचिन पाटील यांच्याकडून ₹५० हजारांची देणगी

अंतुर्ली-रंजाने (ता. अमळनेर) : ग्रामीण भागातील विद्यार्थ्यांच्या शिक्षणासाठी वाहतुकीची सुविधा उपलब्ध व्हावी आणि कोणत्याही विद्यार्थ्याला शाळेत ये-जा करताना अडचणींचा सामना करावा लागू नये, या सामाजिक बांधिलकीच्या भावनेतून नवीन माध्यमिक विद्यालय अंतुर्ली-रंजाने शाळेला संस्थेच्या अध्यक्षा तिलोत्तमाताई पाटील यांच्या वतीने स्कूल बस भेट देण्यात आली. तसेच गावाचे सरपंच सचिन पाटील यांनी शाळेच्या शैक्षणिक विकासासाठी ₹५० हजार रुपयांची रोख देणगी जाहीर करून शिक्षणाप्रती असलेली आपली बांधिलकी पुन्हा अधोरेखित केली.

 अंतुरली रंजाने परिसरासह आसपासच्या भागातील अनेक विद्यार्थ्यांना शाळेत येण्यासाठी वाहतुकीच्या अडचणींचा सामना करावा लागत होता. काही विद्यार्थ्यांना लांब अंतर पायी चालत यावे लागत होते, तर काहींना नियमित शाळेत उपस्थित राहणे कठीण होत होते. या पार्श्वभूमीवर विद्यार्थ्यांच्या हिताचा विचार करून शाळेला स्कूल बस उपलब्ध करून देण्यात आली. त्यामुळे विद्यार्थ्यांची शाळेत उपस्थिती वाढण्यास मदत होणार असून शिक्षणाची गोडी निर्माण होईल, असा विश्वास व्यक्त करण्यात आला.

स्कूल बस भेटीमुळे विद्यार्थी, पालक आणि ग्रामस्थांमध्ये आनंदाचे वातावरण निर्माण झाले आहे. ग्रामीण भागातील विद्यार्थ्यांसाठी ही सुविधा मोठा दिलासा ठरणार असून त्यांच्या शैक्षणिक प्रगतीला नवी दिशा मिळणार आहे. शिक्षण क्षेत्राच्या विकासासाठी सातत्याने प्रयत्न करणारे गावाचे सरपंच सचिन पाटील यांनी यावेळी शाळेला ₹५० हजारांची रोख मदत देत शाळेच्या विविध शैक्षणिक उपक्रमांना पाठबळ दिले.

कार्यक्रमात उपस्थित मान्यवरांनी शिक्षण हेच समाज परिवर्तनाचे प्रभावी साधन असल्याचे सांगत ग्रामीण विद्यार्थ्यांना दर्जेदार शिक्षण मिळण्यासाठी सर्वांनी पुढाकार घेण्याचे आवाहन केले. शाळेच्या प्रगतीसाठी ग्रामस्थ, पालक आणि संस्थेचे पदाधिकारी यांचे सहकार्य महत्त्वाचे असल्याचे मतही यावेळी व्यक्त करण्यात आले.

याप्रसंगी संस्थेच्या अध्यक्षा तिलोत्तमाताई पाटील, सचिव रवींद्र पाटील, सरपंच सचिन पाटील, संदीप धोबी, प्रदीप पाटील मुख्याध्यापक सुभाष पाटील, संजय भगतसिंग पाटील, महेंद्रचव्हाण, संदीप उघडे, जी. बी. पाटील, एम. आर. पाटील, बैसाणे मॅडम, साळुंखे मॅडम, नानाभाऊ, संजय पाटील, भगवान पाटील, वैशाली पाटील, भगवती पाटील, हितेश बडगुजर यांच्यासह शाळेतील शिक्षक, शिक्षकेतर कर्मचारी, विद्यार्थी-विद्यार्थिनी, पालक व ग्रामस्थ मोठ्या संख्येने उपस्थित होते.

ग्रामीण विद्यार्थ्यांच्या शैक्षणिक भवितव्यासाठी उपलब्ध करून देण्यात आलेली ही स्कूल बस आणि शाळेला मिळालेली आर्थिक मदत ही निश्चितच शिक्षण क्षेत्रासाठी प्रेरणादायी ठरणार असून, अंतुर्ली-रंजाने परिसरात या उपक्रमाचे सर्वत्र स्वागत होत आहे. विद्यार्थ्यांच्या उज्ज्वल भविष्यासाठी समाजातील दानशूर व्यक्ती आणि लोकप्रतिनिधींनी अशाच प्रकारे पुढाकार घ्यावा, अशी भावना यावेळी उपस्थितांनी व्यक्त केली.

श्री मंगळग्रह मंदिरात आरोग्याबाबत जनजागृती विविध योगप्रकारांचा झाला सराव; आंतरराष्ट्रीय योग दिनानिमित्त शिबिर

अमळनेर : दरवर्षीप्रमाणे आंतरराष्ट्रीय योग दिनाच्या निमित्ताने येथील मंगळग्रह सेवा संस्था संचलित श्री मंगळग्रह मंदिर परिसरात रविवार, दि. २१ जून रोजी सकाळी ७ ते १० या वेळेत विशेष योग शिबिराचे आयोजन करण्यात आले. या शिबिरात मंगळग्रह सेवा संस्थेचे विश्वस्त मंडळ, मंगल सेवेकरी तसेच मंदिराच्या सेवेकऱ्यांनी उत्स्फूर्त सहभाग नोंदविला. सकाळच्या प्रसन्न वातावरणात पार पडलेल्या या उपक्रमामुळे आरोग्याबाबत जनजागृती होण्यास मदत झाली.
शिबिराची सुरूवात योग प्रार्थनेने करण्यात आली. त्यानंतर योग मार्गदर्शक तथा मंगळग्रह सेवा संस्थेचे सहसचिव दिलीप बहिरम व खजिनदार गिरीश कुलकर्णी यांनी उपस्थितांना विविध योगासने, प्राणायाम, ध्यानधारणा तसेच श्वसनक्रिया यांचे प्रात्यक्षिक करून दाखविले. सहभागी सर्वांनी ताडासन, वृक्षासन, भुजंगासन, वज्रासन, अनुलोम-विलोम, कपालभाती आदी योगप्रकारांचा सराव केला.
यावेळी मार्गदर्शक बहिरम यांनी योगाचे महत्त्व विशद करताना सांगितले, की योग ही केवळ व्यायाम पद्धती नसून शरीर, मन आणि आत्मा यांचा समतोल साधणारी जीवनशैली आहे. नियमित योगाभ्यासामुळे शारीरिक तंदुरुस्ती वाढते, मानसिक ताणतणाव कमी होतो आणि व्यक्तीची एकाग्रता सुधारते. आधुनिक धावपळीच्या जीवनात वाढत्या ताणतणावामुळे अनेक शारीरिक व मानसिक समस्या निर्माण होत आहेत. अशा परिस्थितीत योग हा आरोग्यपूर्ण जीवनासाठी प्रभावी उपाय ठरतो.
योगाच्या फायद्यांविषयी माहिती देताना कुलकर्णी यांनी सांगितले, की नियमित योग केल्याने रक्ताभिसरण सुधारते, स्नायू व सांधे मजबूत होतात, लठ्ठपणा नियंत्रणात राहतो तसेच मधुमेह, उच्च रक्तदाब आणि हृदयविकार यांसारख्या आजारांचा धोका कमी होण्यास मदत होते. याशिवाय ध्यान आणि प्राणायामामुळे मन शांत राहते, सकारात्मक विचारसरणी विकसित होते आणि झोपेची गुणवत्ता सुधारते.
शिबिरात उपस्थित मान्यवरांनी आंतरराष्ट्रीय योग दिनाचे महत्त्व अधोरेखित करत योगाला दैनंदिन जीवनाचा अविभाज्य भाग बनविण्याचे आवाहन केले. तसेच योगाच्या माध्यमातून निरोगी समाज आणि सशक्त राष्ट्र उभारण्यास हातभार लागेल, असे मत व्यक्त केले.

खा,शि.मंडळ संचलित द्रौ.रा.कन्या शाळेत जागतिक योग दिवस योगासने प्रात्यक्षिक व त्यांचे महत्व विषद करुन उत्साहाच्या व आनंदाच्या वातावरणात संपन्न.

अमळनेर : खा.शि.मंडळ संचलित श्रीमती द्रौंपदीबाई रांमचंद्र शेठ कन्या शाळेत जागतिक योग दिवस – योगासने व त्यांचे प्रात्यक्षिक आणि त्यांचे मानवी जीवनात असणारे अनन्य साधारण महत्व या सर्व बाबीवर प्रकाश टाकीत उत्साहाच्या व आनंदाच्या वातावरणात संपन्न संपन्न झाला.

  कार्यक्रमाचे औपचारिक उद्घाटन शुभारंभ शाळेच्या मुख्याध्यापिका सौ एस एस सुर्यवंशी मॕडम ,पर्यवेक्षक श्री एस पी वाघ सर ,जेष्ठ क्रीडा शिक्षक श्री के आर बाविस्कर , जेष्ठ शिक्षिका सौ एस बी उपासनी अश्या मान्यवरांच्या हस्ते सरस्वतीदेवीला माल्यार्पण व दिप प्रज्वलन करण्यात आले.

  त्यांच सोबत आज कार्यक्रमासाठी विशेष निमंत्रक अतिथी म्हणुन योग तज्ञ , योग आचार्य रामदेवजी बाबा यांचे अनुयायी शिष्य योग तज्ञ श्री गजानन माळी सर हे उपस्थित होते. त्यांनी मानवी जीवनात योग व्यक्तीला व्याधीमुक्त , रोगमुक्त, सशक्त कणखर व दीर्घाष्युशी बनवतो.तसेच विद्यार्थीना तो चिंतन मनन व अध्यापन प्रती ओढ व आस्था निर्माण करतो.आजच्या या योग कार्यक्रम मध्ये चक्रासन ,ताडासन ,व्रजासन , शवासन , सुर्यनमस्कार अश्या नाना विविध स्वरुपाचे योग सादर करुन त्यांचे दुरगामी सकारात्मक परिणाम अश्या विविध बाबीवर उत्तम स्वरुपात प्रकाशज्ञोत टाकला.

   सदर कार्यक्रमासाठी अनमोल सहकार्य शालेय समिती चेअरमन श्री जितेंद्र भाऊ जैन ,मुख्याध्यापिका सौ एस एस सुर्यवंशी मॕडम , पर्यवेक्षक श्री एस पी वाघ , जेष्ठ शिक्षक श्री के आर बाविस्कर ,जेष्ठ शिक्षिका सौ एस बी उपासनी ,सर्व शिक्षक ,शिक्षकेतर कर्मचारी वृंद वर्ग यांचे लाभले.