द्रौ. रा. कन्या शाळेत सानेगुरुजींची ७६ वी पुण्यतिथी भावपूर्ण वातावरणात साजरीखरा तो एकचि धर्म, जगाला प्रेम अर्पावे’चा संदेश विद्यार्थिनींनी केला आत्मसात
अमळनेर | प्रतिनिधी
खान्देश शिक्षण मंडळ संचलित श्रीमती द्रौपदीबाई रामचंद्र शेठ कन्या शाळेत भारताचे थोर स्वातंत्र्यसैनिक, साहित्यिक, समाजसेवक आणि मानवतावादी विचारवंत परमपूज्य सानेगुरुजी यांच्या ७६ व्या पुण्यतिथीनिमित्त अभिवादन कार्यक्रमाचे आयोजन करण्यात आले. यावेळी सानेगुरुजींच्या प्रतिमेचे पूजन व माल्यार्पण करून त्यांना आदरांजली अर्पण करण्यात आली.
“खरा तो एकचि धर्म, जगाला प्रेम अर्पावे” या अमर गीतातून मानवतेचा संदेश देणाऱ्या सानेगुरुजींच्या विचारांचे स्मरण करत त्यांच्या कार्याला उजाळा देण्यात आला. विद्यार्थिनींनी आणि शिक्षकांनी त्यांच्या जीवनकार्याविषयी कृतज्ञता व्यक्त करत समाजाला प्रेम, बंधुभाव आणि समतेचा संदेश देणाऱ्या या महान विभूतीस विनम्र अभिवादन केले.
कार्यक्रमास मुख्याध्यापिका सौ. एस. एस. सूर्यवंशी मॅडम, पर्यवेक्षक श्री. एस. पी. वाघ सर, ज्येष्ठ शिक्षक श्री. के. आर. बाविस्कर, ज्येष्ठ लिपिक श्री. शामभाऊ पवार, शिक्षकेतर प्रतिनिधी श्री. मनुभाऊ दीक्षित, श्रीमती जे. एल. पाटील, श्री. राजेश बिर्हाडे तसेच श्री. प्रविण पुरकर उपस्थित होते.
यावेळी उपस्थितांनी सानेगुरुजींच्या राष्ट्रसेवा, सामाजिक समता आणि मानवतावादी विचारांचा गौरव करत त्यांच्या स्मृतींना अभिवादन केले. कार्यक्रमाच्या शेवटी सर्वांनी एकत्रितपणे ‘खरा तो एकचि धर्म, जगाला प्रेम अर्पावे’ हे गीत सादर करून सानेगुरुजींच्या विचारांप्रती आपली निष्ठा व्यक्त केली.
सानेगुरुजींच्या प्रेरणादायी जीवनातून विद्यार्थिनींनी प्रेम, त्याग, सेवा आणि राष्ट्रभक्तीचे संस्कार आत्मसात करावेत, असा संदेश यावेळी देण्यात आला. संपूर्ण कार्यक्रम भावपूर्ण आणि प्रेरणादायी वातावरणात संपन्न झाला.
