श्री मंगळग्रह मंदिर डिजिटल नोटीस बोर्डची यशस्वी चाचणी! आधुनिक तंत्रज्ञानाच्या दिशेने आणखी एक महत्त्वाचे पाऊल!
Featured general Latest- Est 1 min
- 0 Views
- 4 hours ago
श्री मंगळग्रह मंदिरात २४ नोव्हेंबरला श्री तुळशी विवाह सोहळा
general Featured Latest- Est 1 min
- 0 Views
- 4 hours ago
अमळनेर नगर परिषदेत बोगस बांधकाम परवानग्यांचा संशय! ५० ते ६० प्रकरणे चौकशीच्या रडारवर; मुख्याधिकाऱ्यांच्या कथित बनावट सह्या-शिक्क्यांचा वापर? हद्दीबाहेरील बांधकामांनाही परवानग्या दिल्याचा आरोप; संबंधित अभियंत्यावर गुन्हा दाखल होण्याची शक्यता, दोषींवर कठोर कारवाईचा नगराध्यक्षांचा इशारा
Featured general Latest- Est 1 min
- 0 Views
- 1 day ago
महत्वाच्या
घडामोडी
सर्वाधिक वाचक
बातम्या
कार्तिक स्वामींच्या यात्रेसाठी अंतुर्ली सज्ज
अमळनेर (प्रतिनिधी) : तालुक्यातील अंतुर्ली येथे कार्तिक स्वामींच्या पदस्पर्शाने पावन झालेल्या प्राचीन तीर्थस्थळी भव्य यात्रा महोत्सवाचे आयोजन करण्यात आले आहे. कार्तिक पौर्णिमा व कृत्तिका नक्षत्राच्या शुभमुहूर्तावर होणाऱ्या या यात्रेसाठी परिसरातील भाविकांसह राज्याच्या विविध भागांतून मोठ्या संख्येने भाविक उपस्थित राहणार आहेत. यंदा सुमारे दीड ते दोन लाख भाविक दर्शनासाठी येण्याची शक्यता असून, भाविकांच्या सोयीसाठी ग्रामस्थ व संस्थेच्या वतीने जय्यत तयारी करण्यात आली आहे.
कार्तिक पौर्णिमा व कृत्तिका नक्षत्राचा योग
सोमवार, दि. २३ नोव्हेंबर २०२६ रोजी रात्री ११ वाजून ४३ मिनिटांनी कार्तिक पौर्णिमेला प्रारंभ होणार असून, मंगळवार, दि. २४ नोव्हेंबर रोजी रात्री ८ वाजून २४ मिनिटांपर्यंत पौर्णिमा आहे. तसेच कृत्तिका नक्षत्र सोमवार, दि. २३ नोव्हेंबर रोजी रात्री २ वाजून २ मिनिटांनी सुरू होऊन मंगळवार, दि. २४ नोव्हेंबर रोजी रात्री ११ वाजून १५ मिनिटांपर्यंत आहे. कार्तिक पौर्णिमा व कृत्तिका नक्षत्र हा शुभ योग अत्यंत पवित्र मानला जातो.
*कार्तिक स्वामींच्या दर्शनासाठी भाविकांची गर्दी*
पौराणिक आख्यायिकेनुसार माता पार्वती व भगवान शंकर यांचे पुत्र श्रीगणेश व कुमार कार्तिकेय यांच्याशी संबंधित या तीर्थक्षेत्राला विशेष महत्त्व आहे. कार्तिक स्वामींच्या वाहनाचे, मोराचे आणि पृथ्वी प्रदक्षिणेच्या कथेशी जोडलेले हे स्थान भाविकांच्या श्रद्धेचे केंद्र बनले आहे.
अंतुर्ली येथील कार्तिक स्वामी मंदिर अतिप्राचीन असून, छत्रपती शिवाजी महाराजांच्या काळात इ.स. १६५३ साली या मंदिराची स्थापना झाल्याचे सांगितले जाते. तत्कालीन सरदार श्री. रामराव पाटील यांनी प्रत्यक्ष स्वामींचे स्थान पाहून येथे मंदिर उभारण्याचा निर्णय घेतला. त्यानंतर गावकऱ्यांच्या सहकार्याने टेकडीवर मंदिर बांधण्यात आले. या मंदिराशी अनेक पिढ्यांच्या श्रद्धा आणि परंपरा जोडलेल्या आहेत.
दीड ते दोन लाख भाविकांसाठी व्यवस्था
यात्रेदरम्यान सुमारे दीड ते दोन लाख भाविक दर्शनासाठी येतात. भाविकांना सुलभ व व्यवस्थित दर्शन घेता यावे, यासाठी विशेष व्यवस्था करण्यात आली आहे. यात्रास्थळी मोठ्या प्रमाणावर फराळाची दुकाने, हॉटेल्स व इतर सुविधा उपलब्ध राहणार आहेत.
*ग्रामस्थ व संस्थेच्या सहकार्याने भव्य नियोजन*
यात्रेत जास्तीत जास्त भाविकांनी दर्शनाचा लाभ घ्यावा, असे आवाहन संस्थेचे अध्यक्ष शिवाजी पाटील यांनी ग्रामस्थ व संस्थेच्या वतीने केले आहे. यात्रेसाठी येणाऱ्या भाविकांना पिण्याच्या पाण्याची व्यवस्था तसेच विश्रांतीसाठी मंडप उभारण्यात आले आहेत. ग्रामस्थ व विविध संस्थांच्या सहकार्याने भाविकांच्या सुविधांना प्राधान्य देण्यात आले आहे.
कार्तिक पौर्णिमा व कृत्तिका नक्षत्राच्या पवित्र पर्वावर अंतुर्ली येथील या प्राचीन तीर्थक्षेत्री दर्शन घेण्यासाठी भाविकांनी मोठ्या संख्येने उपस्थित राहावे, असे आवाहन आयोजकांच्या वतीने करण्यात आले आहे.


श्री मंगळग्रह मंदिर डिजिटल नोटीस बोर्डची यशस्वी चाचणी! आधुनिक तंत्रज्ञानाच्या दिशेने आणखी एक महत्त्वाचे पाऊल!
अमळनेर : येथील मंगळग्रह सेवा संस्था संचलित श्री मंगळग्रह मंदिरातील डिजिटल नोटीस बोर्डसाठी शनिवार, दि. २१ नोव्हेंबर २०२६ रोजी अँड्रॉईड टीव्हीवर पर्मनन्ट ऑटो कंट्रोल ॲप इन्स्टॉल करण्यात आले. मंदिराच्या या व्यवस्थेसाठी ‘मंगल टीव्ही ॲप’ वापरण्यात येत आहे. या ॲपच्या माध्यमातून मंदिरातील विविध माहिती टीव्ही स्क्रीनवर प्रदर्शित करणे सुलभ झाले आहे.
ॲपद्वारे उपलब्ध केलेली माहिती व सुविधा
१) मंदिरातील डिजिटल नोटीस व महत्त्वाच्या सूचना
२) महाप्रसाद काऊंटिंग व प्रतीक्षा माहिती
३) अभिषेक पूजा बुकिंग व वेटिंग
४) हवनात्मक शांतीपूजा वेटिंग
५) विविध पूजा व धार्मिक विधींची माहिती
६) जाहिराती व प्रायोजकांची माहिती
७) यु-ट्यूब व्हिडिओ व इतर व्हिडिओ लिंक्स
८) मंदिराशी संबंधित विविध डिजिटल माहिती
आज मंदिरासमोरील टीव्हीवर या ॲपची प्रत्यक्ष चाचणी घेण्यात आली. ही चाचणी यशस्वी झाली असून, ॲप व्यवस्थित कार्यरत असल्याचे दिसून आले. यामुळे मंदिरातील भाविकांना आवश्यक माहिती एकाच ठिकाणी डिजिटल स्वरूपात उपलब्ध करून देण्याच्या दिशेने आणखी एक पाऊल पुढे पडले आहे. मंदिर व्यवस्थापन अधिक आधुनिक, सुसूत्र आणि तंत्रज्ञानाधारित करण्याचा हा एक महत्त्वाचा प्रयत्न आहे, असे मंगळग्रह सेवा संस्थेतर्फे कळविण्यात आले आहे.


श्री मंगळग्रह मंदिरात २४ नोव्हेंबरला श्री तुळशी विवाह सोहळा
अमळनेर : येथील मंगळग्रह सेवा संस्था संचलित श्री मंगळग्रह मंदिर येथे दरवर्षीप्रमाणे यावर्षीही त्रिपुरारी पौर्णिमेस अर्थात मंगळवार, दि. २४ नोव्हेंबर २०२६ रोजी श्री तुळशी विवाह सोहळा आयोजित केेलेला आहे. या दिवशी दुपारी १२.१५ वाजता मंगलाष्टके व सायंकाळी ७ वाजून १५ मिनिटांनी तुळशी विवाह सोहळा होईल.
मंगळग्रह सेवा संस्थेतर्फे समाजाभिमुख व काळाची गरज असलेल्या एका उपक्रमाचा अनेक मान्यवरांच्या उपस्थितीमध्ये प्रारंभ करण्यात आलेला आहे. त्या उपक्रमांतर्गत सर्वांना विवाह सोहळा पूर्णत: विधिवतरित्या आणि पैशांची उधळपट्टी न करता अत्यंत साधेपणाने करण्याबाबतची शपथ देण्यात येते. त्या शपथेच्या अनुषंगानेच मागील काही वर्षांपासून श्री तुळशी विवाह सोहळा अतिशय साध्या पद्धतीने मात्र पारंपरिक हिंदू संस्कृतीप्रमाणेच केला जात आहे. यात भव्य सजावट आणि स्नेहभोजन यासाठी संस्था कोणताही खर्च करीत नाही. भगवान श्री विष्णू व श्री लक्ष्मी माता यांचा परम पवित्र विवाह अत्यंत साधेपणाने मात्र पूर्णत: शास्त्रोक्त पद्धतीने होईल. सदर श्री तुळशी विवाह सोहळ्यासाठी भाविकांनी मोठ्या संख्येने अवश्य उपस्थिती द्यावी, असे आवाहन मंगळग्रह सेवा संस्थेतर्फे करण्यात आले आहे.



