अमळनेर मुसळधार पाऊस, पिंपळे रस्त्यावर साचले पाणीच पाणी
अमळनेर :- आज सायंकाळी मुसळधार पाऊस झाल्यामुळे शरीरातील पिंपळे रस्त्यावरील देशमुख नगर एक व दोन समोरील नवीन रस्त्यावर मोठ्या प्रमाणावर पाणी साचल्यामुळे संपूर्ण देशमुख नगर परिसर जलमय झाला असून नवीन रस्ता तयार झाल्यामुळे या रस्त्याला पाण्याचा निचरा होण्यासाठी कोणतीही सोय नाही, रस्त्याचा उतार व्यवस्थित नाही. या रस्त्याचे काम नियोजन शून्य झाले आहे. त्यामुळे रस्त्यावरील पाणी थेट नागरिकांच्या घरापर्यंत येत असून नागरिकांना मोठ्या प्रमाणावर त्रास सहन करावा लागत आहे. नगरपालिका प्रशासनाने या रस्त्याकडे दुर्लक्ष केल्याचे येथील नागरिकांचे म्हणणे आहे.
पाऊस पडल्यावर येथे मोठ्या प्रमाणावर पाणी साचत असल्यामुळे दोन दिवसांपूर्वी येथील रहिवासी एन एस पाटील यांनी पालिकेचे मुख्याधिकारी यांना लेखी तक्रार दिली आहे.
देशमुख नगर, पिंपळे रोड येथील नवीन रस्त्याचे बांधकाम झाल्यामुळे उर्वरित कॉलनीत साठलेलं पावसाचे पाणी घरापर्यंत येत असून कोणीही लक्ष द्यायला तयार नाही. वयोवृद्ध नागरिक व लहान मुले यांना मोठ्या प्रमाणावर त्रास होत असून स्थानिक नगरसेवक आणि पालिका प्रशासनाने तात्काळ समस्या सोडवावी अशी मागणी येथील रहिवाशांनी केली आहे.
