प्रताप महाविद्यालयात भव्य बक्षीस वितरण समारंभ उत्साहात संपन्न
अमळनेर (प्रतिनिधी) – खान्देश शिक्षण मंडळ संचलित प्रताप महाविद्यालयात भगवान महावीर, महात्मा फुले व डॉ. बाबासाहेब आंबेडकर यांच्या जयंतीनिमित्त आयोजित सामान्य ज्ञान स्पर्धा परीक्षेच्या बक्षीस वितरण समारंभाला उत्स्फूर्त प्रतिसाद मिळाला. करिअर कौन्सिलिंग सेंटर, आई जिजाऊ अभ्यासिका व युवती सभा यांच्या संयुक्त विद्यमाने आयोजित या स्पर्धेत तब्बल १६२ विद्यार्थ्यांनी सहभाग नोंदवला होता.
१४ एप्रिल २०२६ रोजी पार पडलेल्या या स्पर्धेत विद्यार्थ्यांनी उत्कृष्ट ज्ञानाची चमक दाखवत स्पर्धात्मक वृत्तीचे दर्शन घडवले. स्पर्धेतील गुणवंत विद्यार्थ्यांचा सन्मान मान्यवरांच्या हस्ते करण्यात आला.
विजेत्यांची यादी पुढीलप्रमाणे :
प्रथम क्रमांक नेरकर घनश्याम सुखदेव (८६ गुण) यांनी पटकावत रु. १०००, सन्मानचिन्ह व प्रमाणपत्र प्राप्त केले. द्वितीय क्रमांक चौधरी आकाश शांताराम (८५ गुण) यांनी मिळवला. तृतीय क्रमांकावर भोई दिपक गणेश, पाटील रुपेश सुरेश आणि भावसार अभिषेक विलास (प्रत्येकी ८३ गुण) हे संयुक्त विजेते ठरले.
उत्तेजनार्थ पारितोषिकांमध्ये चौधरी निळीश प्रल्हाद, पाटील पूजा अनिल व कुंभार उमेश संजय (प्रत्येकी ८१ गुण) यांचा समावेश होता.
विजेत्यांना संस्थेचे चिटणीस प्रा. पराग पाटील, प्र. प्राचार्य डॉ. हर्षवर्धन जाधव, आई जिजाऊ अभ्यासिकेचे संचालक विशाल पांचाळ, तसेच डॉ. धनंजय चौधरी, डॉ. संदीप नेरकर, डॉ. आर. सी. सरवदे, डॉ. निलेश पवार, डॉ. ज्ञानेश्वर कांबळे यांच्या हस्ते बक्षीस वितरण करण्यात आले.
समारंभास ग्रंथपाल दिपक पाटील, डॉ. किरण भागवत, डॉ. विलास गावित, डॉ. बालाजी कांबळे, नितीन राजपूत, प्रा. दिलीप तडवी, डॉ. हर्ष नेतकर, प्रा. हिमांशू गोसावी, पराग रवींद्र पाटील, तसेच आई जिजाऊ अभ्यासिकेचे विद्यार्थी शशिकांत परदेशी यांसह अनेक मान्यवर उपस्थित होते.
कार्यक्रमाच्या यशस्वीतेसाठी दिलीपदादा शिरसाठ, प्रा. हिमांशू गोसावी, पराग पाटील व आफ्रिन पठाण यांनी विशेष सहकार्य केले. समारंभाचे सूत्रसंचालन करिअर कौन्सिलिंग सेंटरचे प्रमुख डॉ. विजय तुंटे यांनी केले.
या उपक्रमामुळे विद्यार्थ्यांमध्ये सामान्य ज्ञानाविषयीची आवड वाढीस लागून स्पर्धा परीक्षांसाठी प्रेरणा मिळाल्याची भावना यावेळी व्यक्त करण्यात आली.