छत्रपती संभाजी राजांच्या शौर्याचा अमळनेरात महानाट्यद्वारे होणार जागर जय नील फाउंडेशन चा आजपासून होणार शुभारंभ

अमळनेर ( प्रतिनिधी ) शहरात शंभूराजांच्या जयंतीदिनी 14 मे रोजी ‘ स्वराज्य रक्षक छत्रपती संभाजी राजे ‘ या महानाट्याचे आयोजन करण्यात आले असून संस्कृती फाउंडेशन च्या वतीने आणि जय नील फाउंडेशनच्या सहकार्याने या महानाट्याचे सादरीकरण छत्रपती शिवाजी महाराज नाट्यगृहात होणार आहे.

सामाजिक बांधिलकी आणि विविध क्षेत्रातील असलेल्या उणिवा भरून काढण्यासाठी अमळनेरात जय नील फाउंडेशन चा दिनांक 14 रोजी शुभारंभ होणारा असून शंभू राजेंच्या जयंतीदिनी संस्थेच्या कार्याचा शुभारंभ होणार असल्याची माहिती युवा उद्योजक तथा आमदार अनिल पाटील यांचे सुपुत्र गौतम पाटील आणि पुतणे वरूण राजेश पाटील यांनी दिली.

गेले महिनाभरापासून स्थानिक कलाकारांना प्रशिक्षण दिले गेले आहे. सिनेमा एक आर्टिफिशियल स्ट्रक्चर असते परंतु महानाट्य ही एक वेगळी संकल्पना असल्याने जिवंत इतिहास प्रेक्षकांसमोर सादर होणार आहे. आमदार अनिल पाटील व जय निल फाउंडेशनचे अध्यक्ष गौतम पाटील, उपाध्यक्ष वरूण पाटील यांनी विशेष असे योगदान दिल्याने आम्हाला बळकटी मिळून जास्तीत जास्त तरुणाईला हे महानाट्य दाखविले जाणार असल्याचे नाट्य कलाकार निकेश राजपूत यांनी सांगितले.

सकाळी दहा वाजता तरुणाई साठी स्वतंत्र प्रयोग

छत्रपती संभाजी राजे हे तरुणांचे आदर्श असल्याने खास महाविद्यालयीन युवक आणि युवतींसाठी दिनांक 14 रोजी सकाळी दहा वाजता स्वतंत्र प्रयोग होणार असून सर्व युवक युवतींनी उपस्थिती द्यावी असे आवाहन गौतम पाटील यांनी केले आहे.

अमळनेर नगरपालिकेचा पाणीपुरवठा उशिराने होणार

अमळनेर ( प्रतिनिधी ) अमळनेर नगरपरिषद पाणीपुरवठा योजनेतील जुन्या मुख्य जलवाहिनीवरील मेन 150 एम एम (6″) इंच व्हॉल्व नादुरुस्त झाला असल्याने सदरील व्हॉल्व दुरुस्त करण्यासाठी बुधवारी युद्ध पातळीवर काम केले जाणार आहे. त्यासाठी मुख्य जलवाहिनी वॉश आऊट करणे आवश्यक आहे. त्यामुळे या वॉल व वरून फरशी रोड, बेलदार मोहल्ला, पान खिडकी, बाहेर पुरा तसेच यात्रेत होणारा पाणीपुरवठा तसेच झामी चौक जलकुंभ, लालबाग जलकुंभ, रामवाडी जलकुंभ, तांबेपूरा जलकुंभ यावरून होणारा पाणीपुरवठा एक दोन दिवस उशिराने होईल याची शहरातील नागरिकांनी नोंद घ्यावी व नगर परिषदेत सहकार्य करावे असे आवाहन मुख्याधिकारी गणेश शिंदे, नगराध्यक्ष डॉ. परीक्षित बाविस्कर, उपनगराध्यक्ष प्रशांत निकम, पाणीपुरवठा विभागाचे सभापती कैलास नामदेव पाटील यांनी केले आहे.

शिक्षण, समाजकार्य व महिला सक्षमीकरणातील उल्लेखनीय कार्याचा राष्ट्रीय पातळीवर गौरव डॉ. अर्चना सूर्यवंशी यांना ‘इंडिया प्राइड अवॉर्ड’ प्रदान

अमळनेर | प्रतिनिधी

अमळनेर येथील सूर्या फाउंडेशन तसेच पोदार इंटरनॅशनल स्कूल आणि पाळधी येथील नोबेल इंटरनॅशनल स्कूलच्या संचालिका डॉ. सौ. अर्चना सूर्यवंशी (प्रशांत सूर्यवंशी) यांना शिक्षण, समाजकार्य आणि महिला सक्षमीकरण क्षेत्रातील उल्लेखनीय योगदानाबद्दल प्रतिष्ठेचा *‘इंडिया प्राइड अवॉर्ड’* प्रदान करून सन्मानित करण्यात आले.

जळगाव येथे आयोजित भव्य *‘सुपर मॉम सुपर वुमन 2026 – सीझन 4’* या पुरस्कार सोहळ्यात प्रसिद्ध अभिनेत्री Mahima Chaudhry यांच्या हस्ते हा पुरस्कार प्रदान करण्यात आला. यावेळी जळगावचे आमदार Raju Mama Bhole प्रमुख उपस्थित होते.

दि. ८ मे रोजी जळगाव येथील Hotel President Cottage येथे संपन्न झालेल्या या दिमाखदार सोहळ्याचे आयोजन *आर व्ही एंटरटेनमेंट* यांच्या वतीने करण्यात आले होते. संस्थापक सौ. रूपा शास्त्री आणि मुख्य कार्यकारी अधिकारी डॉ. विजय शास्त्री यांच्या मार्गदर्शनाखाली कार्यक्रम यशस्वीरीत्या पार पडला.

देशभरातील विविध क्षेत्रांत उल्लेखनीय कार्य करणाऱ्या ३९ महिलांचा यावेळी गौरव करण्यात आला. प्रतिकूल परिस्थितीवर मात करत ग्रामीण भागातील विद्यार्थ्यांना आधुनिक, दर्जेदार आणि संस्कारक्षम शिक्षण मिळावे या ध्येयाने डॉ. अर्चना सूर्यवंशी यांनी उभे केलेले कार्य विशेष प्रेरणादायी ठरले आहे.

शैक्षणिक क्षेत्रातील त्यांचे योगदान, समाजहितासाठी केलेले सातत्यपूर्ण कार्य तसेच विद्यार्थ्यांच्या उज्ज्वल भविष्यासाठी असलेली त्यांची तळमळ याची दखल घेत त्यांना हा राष्ट्रीय स्तरावरील सन्मान प्रदान करण्यात आला.

त्यांच्या या यशाबद्दल शाळा परिवार, विद्यार्थी, पालक आणि विविध सामाजिक स्तरांतून अभिनंदनाचा वर्षाव होत आहे.