अमळनेरात गोकुळाष्टमीनिमित्त गोशाळेत गोसेवा;  गोविंद अग्रवाल व गार्डन ग्रुपचा स्तुत्य उपक्रम

अमळनेर :- श्रीकृष्ण जन्माष्टमी अर्थात गोकुळाष्टमीनिमित्त शहरातील पळासदडे रोडवरील श्रीमती भानुबेन बाबूलाल शाह गोशाळेत गोसेवा कार्यक्रम उत्साहात संपन्न झाला.

      श्री छत्रपती शिवाजी महाराज गार्डन ग्रुप, अमळनेर आणि मोहन कृषी उद्योगाचे संचालक उद्योजक गोविंद अग्रवाल यांच्या संयुक्त विद्यमाने दि. ४ सप्टेंबर रोजी सकाळी १० वाजता या कार्यक्रमाचे आयोजन करण्यात आले होते.कार्यक्रमाची सुरुवात मान्यवरांच्या हस्ते गोमातेचे पूजन व आरतीने करण्यात आली. यानंतर उपस्थित मान्यवर व भाविकांच्या हस्ते गोशाळेतील प्रत्येक गोमातेला ओला चणा, ओले मूग, गूळ व हिरव्या कुट्टीचे खाद्य वाटप करून सेवा करण्यात आली. गोशाळेत यावेळी अतिशय भक्तिमय वातावरण निर्माण झाले होते.

      श्रीकृष्ण भगवान यांना गोमाता अतिशय प्रिय असल्याने जन्माष्टमीनिमित्त हा सेवा उपक्रम राबविण्यात आल्याचे आयोजकांनी सांगितले. गोपालन व गोसेवेचे महत्त्व नव्या पिढीपर्यंत पोहोचवणे व गोसेवेला प्रोत्साहन देणे हा या उपक्रमामागचा मुख्य हेतू होता.

       यावेळी गोशाळेचे संचालक चेतन शाह व सौ. मीना शाह या दाम्पत्याच्या गेल्या अनेक वर्षांपासूनच्या निरपेक्ष व सेवाभावी कार्याबद्दल गार्डन ग्रुपतर्फे विशेष सत्कार करण्यात आला. कार्यक्रमात अनेक मान्यवरांनी गोशाळेला उदार मनाने देणगी देखील दिली. भाविकांसाठी फलाहाराची व्यवस्था करण्यात आली होती.या उत्कृष्ट आयोजनाबद्दल उद्योजक गोविंद अग्रवाल व श्री छत्रपती शिवाजी महाराज गार्डन ग्रुपचे सर्वत्र कौतुक होत आहे. कार्यक्रमास महिला भगिनी, पुरुष बांधव, व्यापारी बांधव, सामाजिक क्षेत्रातील मान्यवर व गार्डन ग्रुपचे सदस्य मोठ्या संख्येने उपस्थित होते.

प्रताप महाविद्यालयात पूज्य साने गुरुजी राज्यस्तरीय आंतरमहाविद्यालयीन प्रश्नमंजुषा स्पर्धेचे आयोजन        (१६ व १७ सप्टेंबरला रंगणार राज्यस्तरीय प्रश्नमंजुषा; विजेत्यांना आकर्षक पारितोषिकांसह चषक)

अमळनेर, प्रतिनिधी: खानदेश शिक्षण मंडळ संचलित प्रताप महाविद्यालय, अमळनेर येथे पूज्य साने गुरुजी राज्यस्तरीय आंतरमहाविद्यालयीन प्रश्नमंजुषा स्पर्धा दिनांक १६ व १७ सप्टेंबर २०२६ रोजी आयोजित करण्यात आली आहे. अशी घोषणा महाविद्यालयाच्या CCMC विभागाचे प्रमुख डॉ. धनंजय चौधरी यांनी केली आहे. महाविद्यालयाच्या पूज्य साने गुरुजी सभागृहात सकाळी १० ते सायंकाळी ५ या वेळेत दोन दिवस ही स्पर्धा रंगणार आहे. 

या राज्यस्तरीय प्रश्नमंजुषा स्पर्धेसाठी विविध ज्ञानशाखांचा समावेश असलेला व्यापक अभ्यासक्रम निश्चित करण्यात आला आहे. त्यामध्ये साहित्य व कला, भारताचा इतिहास, भूगोल, सामान्य विज्ञान व आरोग्य, महाराष्ट्रातील समाजसुधारक, राष्ट्रीय व आंतरराष्ट्रीय पुरस्कार व त्यांचे स्वरूप, भारतीय अर्थव्यवस्था, क्रीडा, पर्यावरण, राज्यव्यवस्था व शासन, वाणिज्य, माहितीचा अधिकार, विज्ञान व तंत्रज्ञान, मानव संसाधन विकास व मानवी हक्क, चालू घडामोडी, कृषी, पूज्य साने गुरुजी तसेच इतर समाजसुधारक या विषयांचा समावेश या स्पर्धेत करण्यात आला आहे. या स्पर्धेत विद्यार्थ्यांच्या सामान्य ज्ञानाबरोबरच विविध विषयांवरील आकलन, तर्कशक्ती, चिकित्सक विचार आणि तत्परता यांचीही कसोटी लागणार आहे. या स्पर्धेच्या तीन फेऱ्या होणार असून पहिल्या फेरीत सामान्य ज्ञानावर प्रश्न विचारले जातील, दुसऱ्या फेरीत ऑडिओ व्हिडिओ प्रश्नांची बझर फेरी होईल. तर तिसऱ्या व अंतिम फेरीत पूज्य. सानेगुरुजी व अन्य समाज सुधारकांवर प्रश्न विचारले जातील अंतिम फेरीत यशस्वी झालेल्या संघांना पारितोषिके दिले जातील.

स्पर्धेतील विजेत्यांसाठी आकर्षक पारितोषिकांची व्यवस्था करण्यात आली आहे. प्रथम क्रमांकास १०,००० रुपये व चषक, द्वितीय क्रमांकास ७,००० रुपये व चषक, तर तृतीय क्रमांकास ५,००० रुपये व चषक देण्यात येणार आहे. तसेच उत्तेजनार्थ प्रथम पारितोषिक २,००० रुपये व चषक आणि उत्तेजनार्थ द्वितीय पारितोषिक १,००० रुपये व चषक देण्यात येणार आहे. स्पर्धेत सहभागी होणाऱ्या सर्व स्पर्धकांना प्रमाणपत्र प्रदान करण्यात येणार आहे.

शैक्षणिक वर्ष २०२६-२७ मधील या स्पर्धेचे समन्वयक डॉ. किरण गावित, तर सह-समन्वयक प्रा. भाग्यश्री जाधव यांच्या मार्गदर्शनाखाली स्पर्धेचे संयोजन करण्यात येणार आहे. पूज्य साने गुरुजी यांच्या विचारांचा, साहित्याचा आणि सामाजिक कार्याचा विद्यार्थ्यांना परिचय व्हावा, तसेच विद्यार्थ्यांमध्ये व्यापक वाचन, सामाजिक भान आणि विविध विषयांचे ज्ञान विकसित व्हावे, या उद्देशाने आयोजित करण्यात येणाऱ्या या स्पर्धेला महाराष्ट्रातील महाविद्यालयांमधून उत्स्फूर्त प्रतिसाद मिळण्याची अपेक्षा आहे.

खानदेश शिक्षण मंडळाच्या सर्व संचालक मंडळाने या राज्यस्तरीय प्रश्नमंजुषा स्पर्धेला शुभेच्छा दिल्या असून प्रताप महाविद्यालयाचे प्रभारी प्राचार्य डॉ. हर्षवर्धन जाधव, अंतर्गत गुणवत्ता अभिवचन कक्ष समन्वयक डॉ. मुकेश भोळे, CCMC विभागाचे माजी समन्वयक डॉ. विजय तुंटे, सध्याचे CCMC समन्वयक डॉ. धनंजय चौधरी, सह-समन्वयक डॉ. ज्ञानेश्वर कांबळे यांनी या राज्यस्तरीय प्रश्नमंजुषा स्पर्धेला शुभेच्छा दिल्या असून महाराष्ट्रातील सर्व महाविद्यालयांतील विद्यार्थी स्पर्धकांनी मोठ्या संख्येने सहभागी व्हावे, असे आवाहन केले आहे. प्रस्तुत स्पर्धा यशस्वी करण्यासाठी विविध समित्यांचे सर्व सदस्य तन्मयतेने सहकार्य करीत आहेत.

राज्यशास्त्र’ विषय बहुविद्याशाखीय दृष्टीने महत्त्वाचा — प्राचार्य डॉ. हर्षवर्धन जाधव ‘प्रताप’मध्ये राज्यशास्त्र विभागाचा परिचय व स्वागत समारंभ उत्साहात एन.ई.पी.ची संरचना समजून घेणे काळाची गरज — डॉ. मुकेश भोळे १०० विद्यार्थ्यांचा उत्स्फूर्त सहभाग

अमळनेर : येथील खानदेश शिक्षण मंडळ संचलित प्रताप महाविद्यालयाच्या राज्यशास्त्र विभागातर्फे विभागाचा परिचय (Induction) व स्वागत समारंभ (Welcome) उत्साहपूर्ण वातावरणात पार पडला. कै. शंकरराव राणे सभागृहात ३ सप्टेंबर २०२६ रोजी सकाळी ११ ते दुपारी ३.३० वाजेपर्यंत आयोजित करण्यात आलेल्या या कार्यक्रमाला विद्यार्थ्यांचा उत्स्फूर्त प्रतिसाद लाभला. तब्बल १०० विद्यार्थ्यांनी या कार्यक्रमात सहभाग नोंदविला.

कार्यक्रमाच्या अध्यक्षस्थानी राज्यशास्त्र विभाग प्रमुख डॉ. विजय तुंटे होते. व्यासपीठावर महाविद्यालयाचे प्राचार्य डॉ. हर्षवर्धन जाधव, सिनेट सदस्य डॉ. धिरज वैष्णव, उपप्राचार्य डॉ. डी. आर. चौधरी, अंतर्गत गुणवत्ता अभिवचन कक्षाचे प्रमुख डॉ. मुकेश भोळे, पदार्थ विज्ञान विभागाचे प्रमुख डॉ. अमित पाटील, ज्ञान संसाधन केंद्राचे प्रमुख प्रा. दिपक पाटील, सिनेट सदस्य डॉ. संदीप नेरकर, डॉ. सुनिल राजपूत, डॉ. राखी घरटे, डॉ. हर्ष नेतकर, प्रा. निर्भय सोनार, प्रा. रुपाली महाजन आदी मान्यवर उपस्थित होते.

कार्यक्रमाच्या प्रारंभी उपस्थित मान्यवरांच्या हस्ते सरस्वती देवी, कर्मयोगी श्रीमंत प्रताप शेठजी आणि पूज्य साने गुरुजी यांच्या प्रतिमांचे पूजन करण्यात आले. त्यानंतर डॉ. हर्ष अरुण नेतकर यांच्या मार्गदर्शनाखाली कल्याणी महाजन, रुपाली संसारे आणि जोया पिंजारी यांनी सुमधुर स्वागतगीत सादर केले.

कार्यक्रमाचे प्रास्ताविक कावेरी भोई यांनी केले.

राज्यशास्त्राच्या अभ्यासातून आंतरविद्याशाखीय दृष्टिकोन विकसित होतो

विद्यार्थ्यांना मार्गदर्शन करताना प्राचार्य डॉ. हर्षवर्धन जाधव यांनी सांगितले की, “विद्यार्थ्यांची ओळख आणि विषयाची ओळख या दोन्ही दृष्टीने हा कार्यक्रम अत्यंत महत्त्वाचा आहे. विद्यार्थ्यांची प्रगती ही त्यांच्या विषयातील आवड आणि अभ्यासावर मोठ्या प्रमाणात अवलंबून असते. आजच्या काळात प्रत्येक विषयाला स्वतःचे महत्त्व आहे. त्यामुळे एका विषयाचे महत्त्व अधोरेखित करताना अन्य विषयांचे महत्त्व कमी होत नाही.”

राज्यशास्त्रासारख्या विषयाचा अभ्यास विद्यार्थ्यांना आंतरविद्याशाखीय व बहुविद्याशाखीय दृष्टिकोन देतो. विविध विषयांशी सांगड घालत ज्ञानाचा विस्तार करणे ही आजच्या उच्च शिक्षणाची गरज आहे. राज्यशास्त्र विभागातील विद्यार्थ्यांनी महाविद्यालयाच्या प्रगतीत यापूर्वीही महत्त्वपूर्ण योगदान दिले असून, ही परंपरा पुढेही कायम राहावी, अशी अपेक्षाही त्यांनी व्यक्त केली.

एन.ई.पी. २०२३ समजून घेणे विद्यार्थ्यांसाठी आवश्यक

विशेष व्याख्याते म्हणून मार्गदर्शन करताना IQAC प्रमुख डॉ. मुकेश भोळे यांनी विद्यार्थ्यांना राष्ट्रीय शैक्षणिक धोरणाची (NEP 2023) रचना समजून घेण्याचे आवाहन केले.

ते म्हणाले की, “आपण एका प्रतिथयश महाविद्यालयात प्रवेश घेतला आहे. त्यामुळे उच्च शिक्षणाची संपूर्ण रचना सूक्ष्मपणे समजून घेणे आवश्यक आहे. त्याचबरोबर एन.ई.पी. २०२३ अंतर्गत करण्यात आलेल्या बदलांचेही आकलन विद्यार्थ्यांनी करून घेतले पाहिजे.”

३+२, ४+१ पॅटर्न तसेच प्रमाणपत्र, डिप्लोमा आणि डिग्री अभ्यासक्रमांची रचना विद्यार्थ्यांच्या शैक्षणिक व व्यावसायिक जडणघडणीसाठी उपयुक्त असल्याचे त्यांनी स्पष्ट केले. विद्यार्थ्यांचा ज्ञानात्मक प्रवास निरंतर सुरू राहिला पाहिजे. त्याचबरोबर ऑनर्स व संशोधन पदवीची पद्धत विद्यार्थ्यांनी समजून घेणे आणि आत्मसात करणे आवश्यक असल्याचे त्यांनी सांगितले.

अपयशाने खचू नका; सकारात्मक दृष्टिकोन जोपासा

अध्यक्षीय भाषणात डॉ. विजय तुंटे यांनी विद्यार्थ्यांचे लक्ष दोन महत्त्वपूर्ण मुद्द्यांकडे वेधले. राज्यशास्त्र विभागाची वैभवशाली परंपरा अबाधित राखणे ही प्रत्येक विद्यार्थ्याची जबाबदारी आहे, असे त्यांनी सांगितले.

तसेच जीवनातील अपयशाने खचून न जाता ताण-तणावाचा सकारात्मक दृष्टिकोनातून सामना करण्याची मानसिकता विद्यार्थ्यांनी विकसित करावी. प्रत्येकाने आपल्या जीवनात ‘मानसिकसूत्र’ जोपासणे अत्यंत आवश्यक आहे, असा मौलिक संदेश त्यांनी विद्यार्थ्यांना दिला.

विद्यार्थ्यांच्या बौद्धिक कौशल्याचे प्रभावी सादरीकरण

दुपारी १ ते २ या वेळेत विद्यार्थ्यांनी आपल्या विविध बौद्धिक कौशल्यांचे सादरीकरण केले. या उपक्रमातून विद्यार्थ्यांना आपल्या कलागुणांना, विचारांना आणि सर्जनशीलतेला व्यासपीठ मिळाले.

कार्यक्रमाच्या निमित्ताने डॉ. राखी घरटे आणि प्रा. रुपाली महाजन यांच्या मार्गदर्शनाखाली साक्षी पाटील, लक्ष्मी पाटील, कल्याणी महाजन आदी विद्यार्थिनींनी आकर्षक व कौशल्यपूर्ण रांगोळी साकारली.

समारंभाच्या यशस्वी आयोजनासाठी साक्षी पाटील, लक्ष्मी पाटील, अमोल अहिरे, मनीष पाटील, गौरव सोनवणे, आकाश अहिरे, तुषार शिरसाठ, समाधान पाटील, योगिता पाटील आणि खुशी पाटील यांनी परिश्रम घेतले.

या परिचय व स्वागत सोहळ्यास १०० विद्यार्थ्यांनी उत्स्फूर्तपणे सहभाग नोंदवत कार्यक्रमाला विशेष रंगत आणली.

कार्यक्रमाचे सूत्रसंचालन आफ्रिन पठाण आणि श्वेता माळी यांनी प्रभावीपणे केले, तर रमा चव्हाण यांनी उपस्थितांचे आभार मानले.

विद्यार्थ्यांमध्ये विषयाची आवड, उच्च शिक्षणाबाबतची जाणीव आणि सकारात्मक दृष्टिकोन निर्माण करणारा हा परिचय व स्वागत समारंभ उत्साहात आणि प्रेरणादायी वातावरणात संपन्न झाला.

अमळनेरात लोककलेचा जागर; ८५ बालकलाकारांचा उत्स्फूर्त सहभाग बालप्रतिभेला मिळाले लोककलेचे व्यासपीठ; संस्कृतीचा समृद्ध वारसा नव्या पिढीपर्यंत पोहोचविण्याचा स्तुत्य उपक्रम

अमळनेर : मराठी वाङ्मय मंडळ, अमळनेरच्या अमृत महोत्सवी वर्षानिमित्त बालरंगभूमी परिषद, जळगाव जिल्हा शाखा आणि मराठी वाङ्मय मंडळ, अमळनेर यांच्या संयुक्त विद्यमाने आयोजित करण्यात आलेल्या लोककला प्रशिक्षण शिबिराला अमळनेरातील विविध शाळांमधील तब्बल ८५ बालकलाकारांचा उत्स्फूर्त प्रतिसाद लाभला. लोककलेच्या माध्यमातून बालमनाला संस्कृतीशी जोडणाऱ्या या उपक्रमामुळे अमळनेरच्या सांस्कृतिक क्षेत्रात उत्साहाचे वातावरण निर्माण झाले.

महाराष्ट्राच्या समृद्ध लोककलेचा वारसा नव्या पिढीपर्यंत पोहोचविणे, बालकलाकारांना विविध लोककलांची ओळख करून देणे, त्यांच्या सुप्त कलागुणांना वाव देणे तसेच त्यांना आपल्या कलाविष्काराचे प्रभावी व्यासपीठ उपलब्ध करून देणे, हा या प्रशिक्षण शिबिराचा प्रमुख उद्देश आहे. या उपक्रमातून बालकलाकारांना लोककलेच्या विविध पैलूंचा परिचय करून देतानाच आपल्या मातीत रुजलेल्या सांस्कृतिक परंपरांशी नाते जोडण्याची संधी मिळाली.

कार्यक्रमाचे उद्घाटन मराठी वाङ्मय मंडळाचे सांस्कृतिक समिती प्रमुख डॉ. रवींद्र कुलकर्णी यांच्या हस्ते झाले. यावेळी मंडळाचे संचालक संदीप घोरपडे यांनी प्रास्ताविकातून शिबिरामागील भूमिका, उद्देश आणि लोककलेचे जतन व संवर्धन करण्याची गरज याबाबत सविस्तर विवेचन केले.

यावेळी लोककलेच्या क्षेत्रात उल्लेखनीय योगदान देणारे शाहीर विनोद ढगे, शाहीर नाना पाटील, सचिन महाजन, मोहित पाटील, हर्षल पवार व अवधूत दलाल यांचा मंडळाचे संचालक बन्सीलाल भागवत व सौ. वसुंधरा लांडगे यांच्या हस्ते सत्कार करण्यात आला.

कार्यक्रमास बापूराव पाटील (ठाकरे सर), प्रशांत कापडणे सर व सौ. शीला पाटील मॅडम यांची प्रमुख उपस्थिती लाभली. मंडळाचे अध्यक्ष डॉ. अविनाश जोशी सर यांच्या प्रेरणेतून तसेच मराठी वाङ्मय मंडळाच्या संचालक मंडळाच्या सहकार्याने आयोजित करण्यात आलेल्या या उपक्रमाला अमळनेरातील सर्वच शाळांकडून उत्स्फूर्त प्रतिसाद मिळाला.

कार्यक्रमाचे सूत्रसंचालन मंडळाचे कार्यवाह भैय्यासाहेब मगर यांनी केले. कार्यक्रमाच्या यशस्वीतेसाठी मंडळाचे ग्रंथपाल हेमंत बाळापुरे व जगदीश कुलकर्णी यांनी विशेष सहकार्य केले.

लोककला, संस्कृती आणि बालप्रतिभेचा सुंदर संगम घडवून आणणाऱ्या या उपक्रमातून अमळनेरच्या सांस्कृतिक चळवळीला नवी ऊर्जा मिळाली असून, लोककलेचा समृद्ध वारसा जपण्यासाठी आणि तो नव्या पिढीपर्यंत पोहोचविण्यासाठी हे एक प्रेरणादायी व कौतुकास्पद पाऊल ठरले आहे.

अवघ्या तासाभरात संशयित पोलिसांच्या ताब्यात;अमळनेर पोलिसांची कौतुकास्पद कामगिरी विजय बडगुजर यांच्या बोटाला गंभीर दुखापत करणाऱ्या संशयिताचा पोलिसांनी घेतला शोध; मातोश्री नगरातील घटनेनंतर नागरिकांना

अमळनेर : मातोश्री नगर परिसरातील चामुंडा माता मंदिराजवळ बांधकामाच्या ठिकाणी साहित्य घेऊन जाण्याच्या कथित प्रयत्नादरम्यान झालेल्या झटापटीत विजय बडगुजर यांच्या हाताच्या बोटाला चावा घेऊन गंभीर दुखापत करणाऱ्या संशयिताचा अमळनेर पोलिसांनी अवघ्या तासाभरात शोध घेऊन त्याला ताब्यात घेतल्याची माहिती समोर आली आहे. पोलिसांच्या या जलद आणि तत्पर कारवाईचे परिसरातून कौतुक होत असून, नागरिकांनी पोलिसांचे अभिनंदन केले आहे.

२ सप्टेंबर रोजी सकाळी सुमारे ६ वाजता चामुंडा माता मंदिराजवळ सुरू असलेल्या बांधकामाच्या ठिकाणी एक व्यक्ती साहित्य घेऊन जात असल्याचे विजय बडगुजर व रमेश पाटील यांच्या निदर्शनास आले. त्यांनी त्याला अडवून विचारणा केली असता त्याने आपणास मिस्त्रीने पाठविल्याचे सांगितल्याची माहिती आहे. मात्र त्याच्या हालचाली संशयास्पद वाटल्याने त्याला थांबविण्याचा प्रयत्न करण्यात आला.

यावेळी झालेल्या झटापटीत संबंधित संशयिताने विजय बडगुजर यांच्या हाताच्या बोटाला चावा घेतल्याचा आरोप आहे. या घटनेत त्यांच्या बोटाला गंभीर दुखापत झाली असून, बोटाचा काही भाग तुटल्याने त्यांच्यावर धुळे येथे उपचार व शस्त्रक्रिया करण्यात आल्याची माहिती आहे.

पोलिसांची तत्परता; अवघ्या तासाभरात संशयिताचा शोध

घटनेची माहिती मिळताच अमळनेर पोलिसांनी प्रकरण गांभीर्याने घेत तातडीने तपासाची चक्रे फिरवली. घटनास्थळाची पाहणी, उपलब्ध माहिती व परिसरातील हालचालींच्या आधारे पोलिसांनी संशयिताचा माग काढण्यास सुरुवात केली.

पोलिसांच्या प्रयत्नांना अल्पावधीतच यश आले. घटना घडल्यानंतर अवघ्या तासाभरात संशयिताचा शोध घेऊन त्याला पोलिसांच्या ताब्यात आणण्यात आल्याची माहिती आहे. पोलिसांच्या या वेगवान कारवाईमुळे परिसरातील नागरिकांना मोठा दिलासा मिळाला आहे.

या कारवाईत पीएसआय शरदजी काकळीजी साहेब, हेडकॉन्स्टेबल सुनील तेली, विनोद संदानशीव यांच्यासह पोलिस पथकाने तत्परतेने काम केल्याची माहिती आहे.

नागरिकांकडून पोलिसांचे अभिनंदन

घटनेनंतर संशयित पोलिसांच्या हाती लागल्याने नागरिकांमध्ये समाधानाचे वातावरण आहे. परिसरात चोरीच्या घटनांबाबत चिंता व्यक्त होत असताना पोलिसांनी तातडीने कारवाई करून संशयिताला ताब्यात घेतल्याने पोलिसांच्या कार्यपद्धतीबद्दल नागरिकांनी समाधान व्यक्त केले.

विशेषतः, जखमी विजय बडगुजर यांच्या गंभीर दुखापतीच्या पार्श्वभूमीवर पोलिसांनी विलंब न करता तपासाला गती देत संशयिताचा शोध घेणे ही बाब कौतुकास्पद असल्याची भावना नागरिकांनी व्यक्त केली.

पुढील तपास सुरू

ताब्यात घेतलेल्या संशयिताची अधिकृत ओळख, त्याचा घटनेतील नेमका सहभाग, बांधकाम साहित्य नेण्यामागील उद्देश तसेच त्याच्याकडे धारदार कोयता व सायकल असल्याबाबतच्या माहितीची पोलिसांकडून पडताळणी केली जात आहे. परिसरातील सीसीटीव्ही फुटेज, प्रत्यक्षदर्शींचे जबाब आणि इतर उपलब्ध पुराव्यांच्या आधारे पुढील तपास सुरू आहे.

मातोश्री नगर परिसरात घडलेल्या या घटनेत अवघ्या तासाभरात संशयिताला शोधून ताब्यात घेणाऱ्या अमळनेर पोलिसांच्या तत्परतेचे नागरिकांकडून विशेष कौतुक होत आहे. कायदा व सुव्यवस्था राखण्यासाठी पोलिसांनी दाखविलेली ही तत्परता नागरिकांच्या सुरक्षेच्या दृष्टीने आश्वासक असल्याची भावना परिसरातून व्यक्त होत आहे.

साने गुरुजी कन्या हायस्कूलचे दीपक महाजन यांची राज्यस्तरीय प्रशिक्षणासाठी निवड; अमळनेर शिक्षण प्रसारक मंडळ तर्फे सत्कार

अमळनेर – येथील अमळनेर शिक्षण प्रसारक मंडळ संचलित साने गुरुजी कन्या हायस्कूलचे उपशिक्षक दीपक रामभाऊ महाजन यांची आंध्रप्रदेशातील कुप्पम येथील ‘अगस्त्या इंटरनॅशनल फाउंडेशन’ येथे आयोजित राज्यस्तरीय विज्ञान व गणित शिक्षक प्रशिक्षणासाठी अधिकृत निवड झाली आहे.

           शालेय शिक्षण विभाग, महाराष्ट्र शासन आणि राज्य विज्ञान शिक्षण संस्था (नागपूर) यांच्या संयुक्त विद्यमाने या उच्चस्तरीय प्रशिक्षण वर्गाचे आयोजन करण्यात आले आहे.

या प्रशिक्षण वर्गात महाराष्ट्रातील निवडक शिक्षकांना “Constructivism in Hands On Teaching” (कृतीयुक्त शिक्षणातून ज्ञानरचनावाद) या विषयांतर्गत आधुनिक शैक्षणिक तंत्रांचे प्रशिक्षण दिले जाणार आहे. सदर प्रशिक्षण दिनांक २२ सप्टेंबर ते २५ सप्टेंबर २०२६ या कालावधीत पार पडणार असून, यात जळगाव जिल्ह्यातून दीपक महाजन यांची निवड झाली आहे. या प्रशिक्षणामुळे साने गुरुजी कन्या हायस्कूलमधील इयत्ता ८ वी ते १० वीच्या विद्यार्थिनींना विज्ञान व गणित विषय अधिक सोप्या व रंजक पद्धतीने शिकण्यास मदत होणार आहे.

        या उल्लेखनीय यशाबद्दल अमळनेर शिक्षण प्रसारक मंडळाच्या मध्यवर्ती कार्यालयात एका विशेष बैठकीत त्यांचा पुष्पगुच्छ देऊन सत्कार करण्यात आला. संस्थेचे अध्यक्ष हेमकांत पाटील, सचिव संदीप घोरपडे, संचालक गुणवंतराव पाटील, ॲड.अशोक बावीस्कर, डॉ.एस.जे.शेख, किरण पाटील आणि दीपक सोनवणे यांनी त्यांच्या या यशाचे विशेष कौतुक केले.

तसेच साने गुरुजी कन्या हायस्कूलच्या मुख्याध्यापिका श्रीमती अनिता बोरसे, मुख्याध्यापक सुनील पाटील, मुख्याध्यापक संजीव पाटील, मनीष उघडे, संजय जगताप आणि हितेश पाटील यांनी महाजन सरांना पुढील प्रशिक्षणासाठी आणि प्रवासासाठी मनःपूर्वक शुभेच्छा दिल्या. महाजन सरांच्या या निवडीमुळे संपूर्ण अमळनेर तालुक्यात व शैक्षणिक वर्तुळातून त्यांच्यावर कौतुकाचा वर्षाव होत आहे.

अमळनेरच्या तहसीलदारपदी उमा ढेकळे रुपेशकुमार सुराणा यांच्या निलंबनानंतर तहसीलदारपदाचा अतिरिक्त कार्यभार ज्योती वसावे यांच्याकडे; आता उमा ढेकळे यांची नियुक्ती

अमळनेर : अमळनेरच्या तहसीलदारपदाची धुरा आता उमा ढेकळे यांच्याकडे सोपविण्यात आली आहे. त्यांना अमळनेर तहसीलदारपदाचा पदभार स्वीकारण्याचे आदेश प्राप्त झाले असून, लवकरच त्या पदभार स्वीकारणार आहेत.

यापूर्वी उमा ढेकळे या जळगाव येथे संजय गांधी निराधार योजना तहसीलदार म्हणून कार्यरत होत्या. अमळनेरचे तत्कालीन तहसीलदार रुपेशकुमार सुराणा यांचे निलंबन झाल्यानंतर तहसीलदारपदाचा अतिरिक्त कार्यभार ज्योती वसावे यांच्याकडे सोपविण्यात आला होता.

दरम्यान, प्रशासनाकडून अमळनेर तहसीलदारपदासाठी उमा ढेकळे यांना पदभार स्वीकारण्याचे आदेश प्राप्त झाल्याने आता अमळनेरच्या महसूल प्रशासनाची धुरा त्यांच्या हाती येणार आहे. त्यामुळे महसूल विभागातील प्रलंबित कामांना गती मिळण्यासह नागरिकांच्या विविध प्रशासकीय प्रश्नांच्या निराकरणासाठी त्यांच्या कार्यपद्धतीकडे लक्ष लागले आहे.

उमा ढेकळे यांचा प्रशासकीय अनुभव लक्षात घेता अमळनेर तालुक्यातील महसूल प्रशासन अधिक गतिमान व प्रभावी होण्याची अपेक्षा व्यक्त केली जात आहे. त्यांच्या नियुक्तीचे महसूल विभागातील अधिकारी, कर्मचारी तसेच नागरिकांकडून स्वागत होत आहे.

गोकुळाष्टमीनिमित्त गोशाळेत गोसेवेचा भक्तिमय सोहळा श्रीमती भानुबेन बाबुलाल शहा गोशाळेत ४ सप्टेंबर रोजी विशेष कार्यक्रमाचे आयोजन

अमळनेर : भगवान श्रीकृष्णाच्या जन्मोत्सवाचे प्रतीक असलेल्या पवित्र गोकुळाष्टमीच्या निमित्ताने गोसेवा, गोमाता पूजन व धार्मिक वातावरणाने नटलेला विशेष कार्यक्रम अमळनेर येथील पळासदळे रोडवरील श्रीमती भानुबेन बाबुलाल शहा गोशाळेत शुक्रवार, ४ सप्टेंबर रोजी सकाळी १० वाजता आयोजित करण्यात आला आहे.

गोकुळाष्टमीच्या पावन पर्वाचे औचित्य साधून या कार्यक्रमात गोमातेची विधिवत सेवा, पूजा-अर्चना व पूजन करण्यात येणार आहे. भारतीय संस्कृतीत गोमातेला असलेले अनन्यसाधारण महत्त्व अधोरेखित करत गोसेवेचा संदेश समाजापर्यंत पोहोचविण्याचा या उपक्रमामागील उद्देश आहे.

या विशेष कार्यक्रमाचे आयोजन उद्योजक तथा गोसेवक गोविंद अग्रवाल आणि श्री छत्रपती शिवाजी महाराज गार्डन ग्रुप यांच्या वतीने करण्यात आले आहे. गोकुळाष्टमीच्या निमित्ताने गोसेवेच्या माध्यमातून भक्ती, संस्कार आणि सामाजिक बांधिलकीचा अनोखा संगम या कार्यक्रमातून अनुभवायला मिळणार आहे.

गोमातेची सेवा ही भारतीय संस्कृतीतील श्रद्धा, करुणा आणि सेवाभावाचे प्रतीक मानली जाते. त्यामुळे या पवित्र उपक्रमात नागरिकांनी मोठ्या संख्येने सहभागी होऊन गोसेवेचा आनंद घेत कार्यक्रमाची शोभा वाढवावी, असे आवाहन आयोजकांच्या वतीने करण्यात आले आहे.माध्यमातून भक्ती, संस्कार आणि सामाजिक बांधिलकीचा अनोखा संगम या कार्यक्रमातून अनुभवायला मिळणार आहे.

गोमातेची सेवा ही भारतीय संस्कृतीतील श्रद्धा, करुणा आणि सेवाभावाचे प्रतीक मानली जाते. त्यामुळे या पवित्र उपक्रमात नागरिकांनी मोठ्या संख्येने सहभागी होऊन गोसेवेचा आनंद घेत कार्यक्रमाची शोभा वाढवावी, असे आवाहन आयोजकांच्या वतीने करण्यात आले आहे.मानली जाते. त्यामुळे या पवित्र उपक्रमात नागरिकांनी मोठ्या संख्येने सहभागी होऊन गोसेवेचा आनंद घेत कार्यक्रमाची शोभा वाढवावी, असे आवाहन आयोजकांच्या वतीने करण्यात आले आहे.

वावडे येथे वाढदिवसानिमित्त विद्यार्थ्यांना शैक्षणिक साहित्य वाटप

अमळनेर : तालुक्यातील वावडे येथील जिल्हा परिषदेच्या मराठी शाळेत मणिलाल लोटन पाटील यांच्या वाढदिवसानिमित्त शाळेतील सर्व विद्यार्थ्यांना शैक्षणिक साहित्याचे वाटप करण्यात आले.

मणिलाल लोटन पाटील हे वावडे हायस्कूलचे सेवानिवृत्त वरिष्ठ लिपिक आहेत. त्यांच्या वाढदिवसानिमित्त वावडे विकास सोसायटीचे चेअरमन दीपक पाटील यांनी आपल्या वडिलांच्या वाढदिवसाचे औचित्य साधून विद्यार्थ्यांना शैक्षणिक साहित्य वाटप केले. या उपक्रमातून त्यांनी सामाजिक बांधिलकी जपत विद्यार्थ्यांच्या शैक्षणिक प्रगतीला हातभार लावण्याचा प्रयत्न केला.

या कार्यक्रमास रडावण येथील लोकनियुक्त सरपंच भैय्यासाहेब पाटील, राजेंद्र प्रल्हाद ठाकरे, शाळा व्यवस्थापन समितीचे अध्यक्ष राजेंद्र फकिरा पाटील, आवास संस्थेचे अध्यक्ष अशफाक शेख, लिलाधर माळी, किशोर ठाकरे यांच्यासह शाळेच्या मुख्याध्यापिका अनिता बाबुलाल बिऱ्हाडे, उपशिक्षक समाधान छगन खैरनार, कविता मोतीलाल खैरनार, पाकिजा बाबुलाल पिंजारी आदी उपस्थित होते.

विद्यार्थ्यांच्या शैक्षणिक प्रगतीसाठी अशा प्रकारचे सामाजिक उपक्रम निश्चितच प्रेरणादायी ठरतात. वाढदिवसानिमित्त विद्यार्थ्यांना शैक्षणिक साहित्य वाटप करण्याच्या या उपक्रमाचे उपस्थित मान्यवरांनी कौतुक केले.

⭕ एसटीच्या NCMC कार्डचा ‘रिचार्ज’ प्रश्न ऐरणीवर; लाखो ज्येष्ठ व महिलांना गैरसोयीचा फटका कार्डसाठी ₹२०० भरले, आता रिचार्जसाठीही फेऱ्या; ऑनलाइन रिचार्जची सुविधा देण्याची मागणी….

अमळनेर:- महाराष्ट्र शासनाने एसटी प्रवासात महिलांना निम्म्या दरात, तर ज्येष्ठ नागरिकांना सवलतीच्या दरात प्रवासाची सुविधा उपलब्ध करून देण्यासाठी NCMC कार्डची व्यवस्था केली आहे. मात्र, हे कार्ड वापरणाऱ्या नागरिकांना रिचार्जच्या किचकट प्रक्रियेमुळे मोठ्या गैरसोयीला सामोरे जावे लागत असल्याची तक्रार पुढे आली आहे.

NCMC कार्ड मिळविण्यासाठी नागरिकांना ₹२०० शुल्क भरावे लागते. तसेच एसटी प्रवासाचे तिकीट काढण्यासाठी कार्डमध्ये किमान ₹१०० शिल्लक असणे आवश्यक असल्याचे सांगितले जाते. त्यामुळे कार्डचा वापर सुरू ठेवण्यासाठी नागरिकांना वेळोवेळी रिचार्ज करणे अपरिहार्य ठरते.

मात्र, विशेषतः ज्येष्ठ नागरिक, महिला, दिव्यांग आणि ग्रामीण भागातील नागरिकांसाठी रिचार्जची प्रक्रिया त्रासदायक ठरत आहे. प्रत्येक वेळी कार्ड रिचार्ज करण्यासाठी एसटी बसस्थानकावर जावे लागत असल्याने वयोवृद्ध नागरिकांची गैरसोय होत आहे. अनेक ग्रामीण भागातील नागरिकांना केवळ रिचार्जसाठी बसस्थानक गाठणे वेळखाऊ आणि खर्चिक ठरत आहे.

शासनाने नागरिकांना सवलतीचा प्रवास उपलब्ध करून दिला असला, तरी त्या सुविधेचा लाभ घेण्यासाठीच वारंवार बसस्थानकाच्या फेऱ्या माराव्या लागत असतील, तर ही सुविधा खऱ्या अर्थाने ‘सुलभ’ कशी म्हणायची?, असा सवाल नागरिकांकडून उपस्थित केला जात आहे.

NCMC कार्डसाठी UPI, नेट बँकिंग, मोबाईल बँकिंग किंवा अन्य ऑनलाइन माध्यमातून थेट रिचार्ज करण्याची सुविधा उपलब्ध करून दिल्यास नागरिकांची मोठी गैरसोय दूर होऊ शकते. विशेषतः ज्येष्ठ नागरिक आणि ग्रामीण भागातील लाभार्थ्यांना याचा मोठा फायदा होईल.

एसटी प्रशासनाने या समस्येची तातडीने दखल घेऊन NCMC कार्डसाठी ऑनलाइन रिचार्जची सुविधा सुरू करावी, अशी मागणी प्राध्यापक प्रकाश धर्माधिकारी यांनी केली आहे.