डी.आर. कन्या शाळेत महाराष्ट्र दिन उत्साहात साजरा
अमळनेर : खा.शि.मं. संचलित दौ.रा. कन्या शाळेत १ मे महाराष्ट्र दिन अत्यंत उत्साहपूर्ण व देशभक्तीच्या वातावरणात मोठ्या थाटात साजरा करण्यात आला.
कार्यक्रमाची सुरुवात शालेय प्रार्थना व प्रतिज्ञेने झाली. त्यानंतर ध्वजारोहन समारंभ पार पडला. राज्यगीत व राष्ट्रगीत विद्यार्थिनींनी तालासुरात सादर करून परिसर देशभक्तीमय झाला. मुख्याध्यापिका सौ. एस. एस. सुर्यवंशी मॅडम यांच्या नेतृत्वाखाली सर्वांनी ध्वजाला मानवंदना देत सलामी दिली.
यावेळी प्राथमिक शाळेच्या मुख्याध्यापिका श्रीमती आढवले मॅडम, शाळेचे पर्यवेक्षक श्री एस. पी. वाघ, ज्येष्ठ शिक्षक एस. एस. माळी, एस. एस. वाघ, ज्येष्ठ शिक्षिका श्रीमती एस. आर. सोनवणे, ज्येष्ठ लिपिक श्री शामभाऊ पवार, श्री के. आर. बाविस्कर, शिक्षक प्रतिनिधी सौ. पी. पी. जोशी तसेच श्रीमती देवरे मॅडम आदी मान्यवर उपस्थित होते.
ध्वजारोहणानंतर विद्यार्थिनींनी महाराष्ट्राच्या गौरवगाथा सांगणारी देशभक्तीपर गीते सादर केली. कार्यक्रमाच्या शेवटी मुख्याध्यापिका सौ. सुर्यवंशी मॅडम यांनी महाराष्ट्र दिनाचे महत्त्व विद्यार्थिनींना पटवून देत सर्वांना शुभेच्छा दिल्या.