अमळनेरात महाराष्ट्र दिनानिमित्त भव्य सोहळा : आदर्श शिक्षकांचा गौरव, दिव्यांग विद्यार्थ्यांना साहित्य वाटप
अमळनेर : महाराष्ट्र दिवस निमित्त पंचायत समिती शिक्षण विभाग, अमळनेर यांच्या वतीने आयोजित शासकीय कार्यक्रम मोठ्या उत्साहात आणि दिमाखात पार पडला. जिल्हा परिषद जळगाव संचलित या उपक्रमात आदर्श शिक्षक पुरस्कार वितरणासह दिव्यांग विद्यार्थ्यांना शैक्षणिक साहित्य वाटप करण्यात आले.
कार्यक्रमाचे आयोजन जी. एस. हायस्कूल हॉल येथे करण्यात आले होते. या सोहळ्यास माजी मंत्री आमदार दादासाहेब अनिल पाटील, जळगाव लोकसभा खासदार ताईसाहेब स्मिताताई वाघ यांच्या प्रमुख उपस्थितीत कार्यक्रम संपन्न झाला. मंचावर मुख्याध्यापक प्रतिनिधी बाळासाहेब विनोद कदम, गट शिक्षणाधिकारी प्रमोद पाटील, केंद्रप्रमुख चंद्रकांत पाटील (अमळगाव), रविंद्र पाटील (चिमणपुरी), अशोक सोनवणे (शहापूर) तसेच तालुका क्रीडा अध्यक्ष एस. पी. वाघ यांची उपस्थिती होती.
कार्यक्रमाची सुरुवात मान्यवरांच्या हस्ते सरस्वती मातेचे पूजन व महाराष्ट्र गीताने झाली. प्रस्तावना गट शिक्षणाधिकारी प्रमोद पाटील यांनी मांडली.
यावेळी सन २०२५-२६ या वर्षासाठी आदर्श शिक्षक पुरस्कार प्रदान करण्यात आले. पुरस्कारप्राप्त शिक्षकांना सन्मानचिन्ह, शाल, प्रमाणपत्र व पुष्पगुच्छ देऊन गौरविण्यात आले. याशिवाय राज्य, राष्ट्रीय व आंतरराष्ट्रीय स्तरावर यश मिळवलेल्या खेळाडूंचाही सत्कार करण्यात आला.
आदर्श शिक्षक पुरस्कार प्राप्त मान्यवर :
श्रीमती मनिषा पाटील (जि.प. शाळा सडावण), सौ. सीमा सूर्यवंशी (डी. आर. कन्या शाळा), श्रीमती अनिता बोरसे (साने गुरुजी कन्या), श्री भैय्यासाहेब सालुंखे (जि.प. गडखांब), श्रीमती रोहिणी बडगुजर (जि.प. शाळा मुडी), श्रीमती सुवर्णा वाणी (जि.प. शाळा मेहरगाव), श्री प्रभाकर पाटील (जि.प. शाळा चिमणपुरी), श्री अनिल चौधरी (माध्यमिक विद्यालय निम), श्री बापूराव सांगोरे (माध्यमिक आश्रम शाळा रणाईचे), श्री आनंदा धनगर (माध्यमिक शाळा करणखेडा), श्रीमती शोभा कसबे (डी. आर. कन्या शाळा).
कार्यक्रमाच्या यशस्वी आयोजनासाठी पंचायत समिती शिक्षण विभागासह सम शिंगाणे, कमलेश मोरे, सुनील करंदीकर, सचिन वाघ, भूपेंद्र सर यांनी विशेष सहकार्य केले.
हा सोहळा शिक्षकांच्या कार्याचा सन्मान करतानाच विद्यार्थ्यांमध्ये प्रेरणा निर्माण करणारा ठरला.