*लोंढवे विद्यालयात साक्षरता दिनानिमित्त चित्रकला स्पर्धा संपन्न*
लोंढवे, ता. अमळनेर : स्व. आबासो एस. एस. पाटील माध्यमिक विद्यालय, लोंढवे येथे साक्षरता दिनानिमित्त चित्रकला स्पर्धेचे आयोजन करण्यात आले. कला शिक्षक डि. आर. वाघ यांच्या मार्गदर्शनाखाली विद्यार्थ्यांनी उत्स्फूर्त सहभाग नोंदवत विविध विषयांवर चित्रे साकारली.
या स्पर्धेत विद्यार्थ्यांनी आपल्या कलागुणांना वाव देत साक्षरतेचे महत्त्व, शिक्षणाचा प्रसार आणि सामाजिक जागृती यांसारख्या विषयांवर आकर्षक चित्रे काढली. विद्यार्थ्यांनी रंगसंगती, रेखाटन व कल्पकतेचा सुंदर आविष्कार सादर केला.
स्पर्धेदरम्यान विद्यार्थ्यांमध्ये उत्साहाचे वातावरण होते. शिक्षकांनी विद्यार्थ्यांना मार्गदर्शन करून त्यांच्या कलाकृतींचे कौतुक केले. अशा उपक्रमांमुळे विद्यार्थ्यांच्या सर्जनशीलतेला चालना मिळते तसेच सामाजिक विषयांबाबत जागरूकता निर्माण होते.
या उपक्रमासाठी विद्यालयातील शिक्षक, शिक्षिका ,शिक्षकेतर कर्मचारी व विद्यार्थ्यांचे सहकार्य लाभले.
मुख्याध्यापक बाळासाहेब पाटील यांनी सर्व विद्यार्थ्यांचे कौतुक केले.