ओव्हर लोडेड रेती,खडीचे डंपर कॉलनी रस्त्यांना करते उध्वस्त महात्मा फुले कॉलनीचा रस्ता उदाहरण आहे दस्तूर खुद्द
प्रतिनिधी | अमळनेर
येथील पिंपळे रोडवरील महात्मा फुले कॉलनीतील पूल ( ढापा) अवजड वाहनामुळे खचला आहे. पिंपळे नाल्यावरील कॉलनीकडे जाणारा रस्त्यालगतचा पूल तुटल्याने कॉलनीत येणाऱ्या जाणाऱ्यांची गैरसोय होत आहे. ढेकू रस्ता बंद असल्यामुळे, ढेकू रस्त्याने जाणारे अवजड वाहने पिंपळे रस्त्याने वापरत आहेत. या रस्त्यावरून ओव्हर लोडेड रेतीचे डंपर व खडीचे डंपर बिन दिक्कत सुसाट वाहत आहेत. त्यामुळे रस्ता मिळेल त्या बाजूने ही ओव्हर लोडेड डंपरांची रहदारी वाढलेली आहे. याचा फटका पिंपळे रोड वरील महात्मा फुले कॉलनीला बसला आहे. महात्मा फुले कॉलनीचा पूल मुळातच कमकुवत होता, आता त्यावरून अवजड वाहने जात असल्याने पुल ढासळला आहे.
ओव्हर लोडेड रेतीच्या वाहनांवर ना महसूल विभागाचे ना पोलीस प्रशासनाचे लक्ष आहे.तरी प्रशासनाने योग्य ती दखल घेऊन ओव्हर लोडेड वाहनांवर योग्य ती कारवाई करावी तसेच अमळनेर नगर परिषदेने त्वरित महात्मा फुले कॉलनीतील तुटलेल्या पुलाची दुरुस्ती करावी किंवा नव्याने बांधावा अशी जनतेतून मागणी होत आहे. कॉलनी परिसरातील लोकांशी संपर्क साधला असता, रहिवाशांनी त्वरित पूल बांधण्यात यावा अशी मागणी केली आहे. याबाबत कॉलनीतील रहिवाशी न.पाला निवेदन देणार आहेत. तरी निवेदनाची वाट न पाहता न.पाने नागरिकांच्या मूलभूत सुविधाची काळजी घेऊन पुलाचे काम त्वरित करावे.