DL Social Foundation तर्फे महिला व विद्यार्थ्यांसाठी मोफत संगणक प्रशिक्षण* *महिला व विद्यार्थ्यांमध्ये डिजिटल कौशल्य विकसित होण्यासाठी संस्थेचे पाऊल*
*अमळनेर :* डिजिटल युगात संगणकाचे ज्ञान ही काळाची गरज बनली असून, महिला व विद्यार्थ्यांना संगणकाचे मूलभूत ज्ञान मिळावे आणि त्यांच्यात डिजिटल कौशल्य विकसित व्हावे, या उद्देशाने DL Social Foundation, Amalner यांच्या वतीने मोफत संगणक प्रशिक्षण उपक्रम सुरू करण्यात येत आहे.
Community Development & Empowerment Project अंतर्गत राबविण्यात येणाऱ्या या उपक्रमाचा कालावधी एक महिना असून, सुरुवातीच्या पहिल्या बॅचमध्ये फक्त 10 प्रशिक्षणार्थींना प्रवेश दिला जाणार आहे. प्रशिक्षण पूर्ण केल्यानंतर प्रशिक्षणार्थींना प्रमाणपत्र देण्यात येणार आहे.
या उपक्रमाच्या माध्यमातून महिला व विद्यार्थ्यांना संगणकाच्या वापरासोबतच डिजिटल जगाशी आत्मविश्वासाने जोडण्याचा प्रयत्न करण्यात येणार आहे. “डिजिटल ज्ञान — स्वावलंबी जीवनाची पहिली पायरी” या संकल्पनेतून हा उपक्रम राबविण्यात येत आहे.
मोफत संगणक प्रशिक्षणाचा लाभ घेऊ इच्छिणाऱ्या महिला व विद्यार्थ्यांनी प्रवेश मर्यादित असल्याने आपला प्रवेश निश्चित करण्यासाठी DL Social Foundation कार्यालय, समर्थ नगर, धुळे रोड, अमळनेर येथे प्रत्यक्ष भेट देऊन नाव नोंदणी करावी, किंवा अधिक माहितीसाठी 7796112894 या क्रमांकावर संपर्क साधावा असे आवाहन संस्थेच्या वतीने करण्यात आले आहे.
