धाराशिव : तालुक्यातील तेर म्हणजे राज्याचे माजी उपमुख्यमंत्री व विरोधी पक्षनेते अजितदादा पवार यांची सासरवाडी. नुकतीच मुलाखतीत अजितदादांनी मुख्यमंत्री होण्याची इच्छा व्यक्त केली होती. यावर राजकीय वर्तुळात चर्चा रंगली. त्यानंतर राज्यात अनेक ठिकाणी समर्थकांनी भावी मुख्यमंत्री म्हणून बॅनर लावले. आता पवारांच्या सासरवाडीतील कार्यकर्त्यांनी देखील मुख्य चौकात अजित पवारांचं भावी मुख्यमंत्री अशा आशयाचं भलं मोठं बॅनर लावलं आहे. तसेच काकांना अर्थात संत गोरोबा काकांच्या समाधीचा अभिषेक करून साकडं घातलं आहे.
