राज दीदींच्या वाढदिवसानिमित्त आश्रमशाळेतील विद्यार्थ्यांना मिष्टान्न वाटप
अमळनेर प्रतिनिधी : पिंपळे येथील आश्रमशाळेत नारायण रेकी सत्संग परिवार, अमळनेर यांच्यातर्फे वर्ल्ड रिनाऊंड ट्रान्सफॉर्मेशनल स्पीकर, नारीरत्न श्रीमती राजेश्वरीजी मोदी (राज दीदी) यांच्या जन्मदिवसानिमित्त आदिवासी आश्रमशाळेतील विद्यार्थ्यांना मिष्टान्नाचे वाटप करण्यात आले.
कार्यक्रमाच्या प्रारंभी विद्यार्थ्यांनी प्रार्थना केली. त्यानंतर सामूहिक रामनाम जप करण्यात आला. जपानंतर विद्यार्थ्यांनी आनंदाने मिष्टान्न व भोजनाचा आस्वाद घेतला. या उपक्रमामुळे विद्यार्थ्यांमध्ये आनंदाचे वातावरण निर्माण झाले.
यावेळी शाळेचे मुख्याध्यापक उदय पाटील यांनी उपस्थित अतिथींचे स्वागत करून शाळेच्या शैक्षणिक व सर्वांगीण प्रगतीचा आलेख थोडक्यात मांडला. शाळेचा परिसर, विद्यार्थ्यांची प्रगती आणि शाळेच्या विविध उपक्रमांची माहिती ऐकून उपस्थितांनी समाधान व्यक्त केले.
कार्यक्रम यशस्वीपणे पार पडल्याबद्दल संस्थेच्या अध्यक्षा विद्या पाटील व सचिव युवराज पाटील यांनी नारायण रेकी सत्संग परिवाराच्या या उपक्रमाचे कौतुक केले. विद्यार्थ्यांसाठी राबविण्यात आलेल्या या उपक्रमामुळे आश्रमशाळेत उत्साहाचे वातावरण निर्माण झाले.