पीएसआय गायकवाड यांची पशुपक्ष्यांप्रती भूतदया जखमी कबुतराच्या पंखातील काटे काढून पाजले पाणी
अमळनेर | प्रतिनिधी :
अमळनेर पोलीस ठाण्यात कार्यरत असलेले कर्तव्यदक्ष पीएसआय समाधान गायकवाड यांनी कर्तव्य बजावत असताना पशुपक्ष्यांप्रती संवेदनशीलता दाखवत जखमी कबुतराला मदतीचा हात दिला.
दि. ५ ऑक्टोबर सोमवारी रोजी एका कबुतराच्या पंखात काटेरी काटे टोचल्याचे गायकवाड यांच्या निदर्शनास आले. या कबुतराला उडता येत नव्हते, त्यांनी तत्काळ कबुतराला सुरक्षितपणे हातात घेऊन पंखात टोचलेले काटे काळजीपूर्वक काढले. त्यानंतर कबुतराला पाणी पाजून त्याची सुटका केली.
पोलिसी कर्तव्याबरोबरच मुक्या जीवांप्रती दाखविलेल्या या संवेदनशीलतेचे उपस्थितांकडून कौतुक करण्यात आले. या घटनेतून पीएसआय गायकवाड यांची पशुपक्ष्यांप्रती असलेली भूतदया दिसून येते.