“साने गुरुजी कन्या हायस्कूल मध्ये सेवा संकल्प अभियान अंतर्गत विविध उपक्रम”

अमळनेर: साने गुरुजी कन्या हायस्कूल मध्ये सेवा संकल्प अभियान अंतर्गत विविध उपक्रम राबविण्यात आले.
स्वच्छता मोहीम, वृक्षारोपण, चित्रकला स्पर्धा, वकृत्व स्पर्धा, व्याख्यान, फिट इंडिया योग व ध्यान सत्र व विद्यार्थी लाभाच्या योजना अंतर्गत सोमवारी व्याख्यान झाले. कार्यक्रमास बांधकाम व्यावसायिक व अमळनेर नगरीचे उपनगराध्यक्ष प्रशांत निकम यांना यशस्वी उद्योजक म्हणून आमंत्रित करण्यात आले होते. मुख्याध्यापिका श्रीमती अनिता बोरसे यांनी अध्यक्षस्थानी होत्या. मान्यवरांचे हस्ते प्रतिमेचे पूजन करण्यात आले. प्रास्ताविकात श्रीमती बोरसे मॅडम म्हणाल्या प्रत्येक यशस्वी उद्योजका मागे त्यांची मेहनत, श्रम व त्यांची इमानदारी हे गुण असतात. म्हणूनच त्यांचे नाव यशस्वी उद्योजकांमध्ये सन्मानाने घेतले जाते. त्यांनी प्रमुख पाहुण्यांचा परिचय करून दिला. मान्यवरांच्या हस्ते वकृत्व स्पर्धेत यशस्वी विद्यार्थिनींचा सत्कार करण्यात आला. प्रथम -वैष्णवी पवार 8 वी/ब द्वितीय – स्नेहा शिंदे 8 वी- अ तृतीय – भाविका पाटील 8वी ब, उत्तेजनार्थ -हिरल पाटील 8 वी ब. यावेळी निकम विद्यार्थिनींना मार्गदर्शन करतांना म्हणाले तुम्ही कुठलेही काम कमी लेखू नका त्या कामांमध्ये स्वतःला झोकून द्या व कामाशी मेहनत इमानदारी व सत्य या तीन गुणांचा ताळमेळ ठेवा मग तुम्ही प्रत्येक व्यवसायात यशस्वी व्हाल. नोकरीचे मागे न धावता स्वतः मालक व्हा व दुसऱ्यांना काम द्या. हीच खरी यशस्वी उद्योजकाची गुरुकिल्ली होय. कार्यक्रमास संस्थेचे अध्यक्ष हेमकांत पाटील, सचिव संदीप घोरपडे व संचालक मंडळ यांनी शुभेच्छा दिल्या. सूत्रसंचलन मुकेश पाटील व आभार दिलीप पाटील यांनी मानले. कार्यक्रम यशस्वी करण्यासाठी देशमुख सर, साळुंके सर, महाजन सर, सौ.वैद्य मॅडम, श्रीमती वानखेडे मॅडम व सौ.वंजारी मॅडम यांनी प्रयत्न केले.