अमळनेर मध्ये बाल संस्कार शिबिराला उत्स्फूर्त प्रतिसाद

 

गीता परिवाराच्या प्रेरणेने सौ. उर्मिला जगदीश अग्रवाल यांच्या मार्गदर्शनाखाली अमळनेर येथे दुसऱ्यांदा दिनांक 11.05.26 ते 15.05.26 दरम्यान बाल संस्कार शिबिर उत्साहपूर्ण वातावरणात संपन्न झाले. हे शिबिर लिनेस क्लब ऑफ अमळनेर व गीता परिवार यांच्या संयुक्त विद्यमाने राबविण्यात आले आहे. आज संगणक ,मोबाईल आणि इंटरनेट मुळे जग जरी जवळ आले असले तरी, संस्काराची उणीव प्रकर्षाने जाणवत आहे.

 विभक्त कुटुंब पद्धती व दोघेही पालक करिअरच्या मागे धावत असल्यामुळे, मुलांच्या जडणघडणीसाठी व संस्कारासाठीं वेळ काढू शकत नाहीत ,अशा परिस्थितीमध्ये मुलांमध्ये नैतिक मूल्य, देशभक्ती, शिस्त व संस्कार रुजवण्याच्या उद्देशाने आयोजित करण्यात आलेल्या ह्या शिबिराला खूपच चांगला प्रतिसाद लाभला ,

ही अशी शिबीर मुलांच्या सर्वांगीण विकासासाठी अत्यंत उपयोगी ठरतील असे मत उपस्थितांनी व्यक्त केले .

ह्या उपक्रमाच्या यशस्वीतेसाठी लिनेस क्लबच्या डॉ. नैना नवसारीकर, कविता पारख ,जास्मिन भरूचा व इतर तसेच प्रा. जगदीश अग्रवाल, वनश्री अमृतकर, सुनीता करंजे, गंगा अग्रवाल, अर्चना शर्मा , एड .भारती अग्रवाल व पद्मजा पाटील आदी महिलांनी मोलाचे सहकार्य दिले. आयोजकांनी सर्व सहकाऱ्यांचे आभार मानले. ह्या कार्यक्रमासाठी रोटरी क्लब व पीबीए इंग्लिश मीडियम चे चेअरमन डॉक्टर संदेश जी गुजराती यांनी हॉल उपलब्ध करून दिल्याबद्दल त्यांचे आभार मानले.

 शिबिराच्या उत्स्फूर्त प्रतिसादामुळे लोकांनी अशी शिबिरे परत परत व्हावी अशी इच्छा व्यक्त केली आहे आणि लोकांच्या आग्रहास्तव पुन्हा पुन्हा अशी शिबिरे घेण्याचे आयोजकांनी मान्य केले आहे.