डि आर कन्या शाळांमध्ये राष्ट्रीय क्रीडा दिवस मोठ्या उत्साहात साजरा करण्यात आला..

अमळनेर..

खानदेश शिक्षण मंडळ संचालित श्रीमती डि आर कन्या शाळेत आज २९ ऑगस्ट मेजर ध्यानचंद यांचा जन्मदिवस हा राष्ट्रीय क्रीडा दिवस म्हणून साजरा करण्यात आला. आज शाळेत सकाळी व दुपार विभागामध्ये पद्मभूषण पुरस्काराने सन्मानित भारताचे रत्न मेजर ध्यानचंद यांच्या प्रतिमेस माल्यार्पन करून क्रीडा साहित्यचे पुजा करण्यात आले.या वेळी कार्यक्रमाच्या अध्यक्षस्थानी राज्यस्तरिय जीवन गौरव पुरस्कार प्राप्त मुख्याध्यापिका सौ एस एस सुर्यवंशी मॅडम होत्या,या वेळी उपमुख्याध्यापक एस आर शिंगाणे , पर्यवेक्षक एस पी वाघ , शिक्षक प्रतिनिधी पी पी जोशी , एस एस माळी , क्रीडा विभाग प्रमुख आर एस सोनवणे मॅडम ,शामभाऊ पवार सर्व सर्व मान्यवरांनी पूजन केले. 

     अध्यक्षीय भाषणात सौ एस एस सुर्यवंशी मॅडम यांनी मेजर ध्यान चंद यांचा क्रीडा क्षेत्रातील कार्याविषयी व त्यांनी देशासाठी केलेला त्याग, देश भावना, समर्पण , भारताची मान उंचावण्यासाठी ऑलम्पिक मध्ये केलेलं कार्य , क्रीडा संस्कृती , आजच्या पिढीला शिकण्यासारखे अनेक गोष्टी आपल्याजवळ आहेत त्याचा फायदा करून देशासाठी क्रीडा क्षेत्रात मोठे योगदान देण्याचं, मोठे ध्येय गाठण्यासाठी विद्यार्थ्यांनी प्रयत्न करावे. असे आपल्या भाषणातून सांगितले. 

  राष्ट्रीय क्रीडा दिनानिमित्त राष्ट्रीय सुवर्ण पदक प्राप्त नूतन किशोर भोई , आंतरराष्ट्रीय सुवर्ण पदक प्राप्त सुकेशनी समाधान सपकाळे या खेळाडूंचा सन्मान व सत्कार यावेळी करण्यात आला. संपूर्ण कार्यक्रम यशस्वी करण्यासाठी सर्व शिक्षक, शिक्षिका,व शिक्षकेतर बंधू-भगिनी यांनी सहकार्य केले.