अमळनेरच्या सुपुत्राचा केंद्रीय गृह मंत्रालयाकडून विशेष सन्मान
मुडी, ता. अमळनेर येथील सुपुत्र तथा मुंबई एटीएसच्या विशेष पथकातील कर्तव्यदक्ष पोलीस कर्मचारी श्री. जितेंद्र धर्मराज सूर्यवंशी यांना भारताच्या ८०व्या स्वातंत्र्य दिनानिमित्त भारत सरकारच्या केंद्रीय गृह मंत्रालयातर्फे ‘विशिष्ट सेवा पदक’ देऊन गौरविण्यात आले.
आपल्या कर्तव्याप्रती असलेली निष्ठा, उल्लेखनीय कामगिरी आणि पोलीस सेवेत बजावलेल्या उत्कृष्ट भूमिकेची दखल घेत त्यांना हा बहुमान प्रदान करण्यात आला आहे. या सन्मानामुळे मुडी गावासह संपूर्ण अमळनेर तालुक्याचा आणि मुंबई एटीएसचा गौरव वाढला आहे.
श्री. जितेंद्र सूर्यवंशी यांनी आपल्या कर्तृत्वातून अमळनेरच्या शिरपेचात आणखी एक मानाचा तुरा रोवला असून, त्यांच्या या उल्लेखनीय यशाबद्दल मित्रपरिवार, नातेवाईक, ग्रामस्थ तसेच विविध क्षेत्रातील मान्यवरांकडून त्यांच्यावर अभिनंदनाचा वर्षाव होत आहे.
त्यांच्या पुढील उज्ज्वल वाटचालीसाठी मनःपूर्वक शुभेच्छा!
