नाशिक : नाशिकमध्ये लिफ्ट मागणाऱ्या 21 वर्षीय मुलीला कारमध्ये बसवत तिचा विनयभंग करून बलात्काराची धमकी दिल्याची धक्कादायक घटना समोर आली आहे.
नाशिकच्या आडगाव पोलिस ठाण्यात याबाबत गुन्हा दाखल करण्यात आला आहे. नाशिक-औरंगाबाद रोडवरील मांडसांगवी परिसरात हि घटना घडली आहे. पीडित तरुणीने दिलेल्या फिर्यादीवरून आडगाव पोलिसांनी याबाबत गुन्हा दाखल केला आहे.
माडसांगवी परिसरात राहणाऱ्या कारचालक प्रवीण पेखळेच्या पोलिसांनी मुसक्या आवळल्या आहेत. नांदूर नाका ते मांडसांगवी टोल नाका दरम्यान ही खळबळजनक घटना घडली आहे. टोल नाक्यावर गाडी हळू झाल्याने मुलीने आरडाओरड केल्यानं तिच्या मदतीला टोल नाक्यावर कर्मचारी धावून आले. त्यामुळे नराधमाच्या हातून पीडितेची सुटका झाली आहे. एकूणच या घटनेनंतर महिलांच्या दृष्टीने रात्रीचा प्रवास सुरक्षित नसल्याचे पुन्हा एकदा अधोरेखित झाले आहे.